تحذيرات من منتجات شركة العربي.. انفجار بوتاجاز فى وجه سيدة والنصب على مواطن
حذر عدد من المواطنين من شركة العربي جروب بعد توثيق تجاربهم مع الشركة ومنتجاتها وسوء الخدمة المقدمة، وقالت إحدي السيدات ،" تم شراء بوتاجاز تورنيدوا مسطح مش من اي معرض اجهزه او محل عادي عشان اخد فرز تاني وله تالت لا ده من أكبر فروع لشركه العربي جروب لسه جديد انفجر فيا وبنتي ٣ سنين والازاز كله انفجر علينا وبهدلنا جسدينا ونفسينا ليه ليه مين المسؤول عن كده عشان تبعتولي بوتوجاز بالنظر وتم الاتصال بخدمه العملاء وجه المندوب وبقي مش مصدق المنظر وتم تصوير الممنظر وبنقوله الحل قال ماليش دعوه الشركه هي اللي هتقول تم الرد من الشركه اني يتغير علي حسابي اغير اي علي حسابي ❌؟!؟؟ ".
وتابعت صاحبة المشكلة مع العربي ،" هو انا اصلا استخدمتوااااا عشان تغيروا علي حسابي اومال ضمان اي كلمه ضمان دي ليه ؟؟؟ بتضحكوا بيها علينا وتم عمل شكوي تانيه وبعتوا مندوب اخر من الشركه وصوعك من المنظر وعمل فحصل للشعلات وقال إنهاا لم تستخدم للمهندس علي التليفون ويرد عليه برده يقوله يتغير علي حسابهم ازاي ازاي انا عايزه حد من اللي قاعد علي المكاتب يجي يقولي بانهي منطق انا ادي امان ازاي اني استخدموا وهو لسه جديد عمل كده اومال لو استخدمتوا هيعمل اي يولع فينا الرجاء من المسؤول في الشركه المصنعه بأخذ المنتج وتغيرواااااا وتم عمل شكوي في جهاز حمايه المستهلك ومعتقدش اني اي مسوؤل في الشركه يوافق باللي حصل".
ومن جانبه قال مواطن آخر عن مشكلته مع العربي،" حابب احكي تجربه احتيال من شركة العربي ..عندي تكيف شارب 3 حصان الجهاز خارج الضمان ومره واحده الجهاز وقف عن التبريد فكلمت خدمه العملاء بتاعه العربي عشان اجيب حد فاهم المفروض وناس ثقه وحددوا معاد للكشف ع الجهاز المهم الفني جه وكشف ع الجهاز وقال البلف العاكس فيه مشكله وعشان كده لازم يتغير وهيتغير ب 1700 جنيه ماعنديش مشكله لحد دلوقتي ركب الفني قطعه الغيار الجديده بس برضه المشكله فضلت زي ماهي كلمت الشركه تاني بقيت اخد ف مواعيد لغايه اسبوع لولا ماحد جه منهم وجه نفس الفني "
وتابع " قالي الكباس بايظ مش البلف العاكس ومحتاج يتغير !!!!قولتله وغيرت ليه البلف العاكس طول ماهو المشكله ف الكباس قالي الغلط عندي وهشوف الشركه تقدر تعوض حضرتك ازاي بقيت اتابع مع الفني والشركه وكل مره يقولولي رفعنا مشكلتك للاداره وان شاء الله الحوار هيتحل الكلام ده الصيف اللي فات ولغايه دلوقتي المشكله مازالت عندي كلمتهم تاني وقولتلهم خلاص هاتوا الكباس من عندكم وغيروه والتكاليف كلها عليا
كان الرد منهم انهم عايزين فلوس كشف تاني غير قطع الغيار قولتلهم دي مشكله كانت من عندكم يعني ومتسجله عندهم رد بتاع خدمه العملاء وقالي فعلا المشكله ف الكباس بس برضه لازم فلوس زيارة+ مصاريف قطع الغيار قولتلهم برضه تمام مافيش مشكله واخدت معاد للزياره المفروض النهارده النهارده بكلمهم بقولهم مافيش حد جالي منكم رد بكل بجاحه وقالي يوم 21 هنجيلك يفندم ومعانا الكباس هنركبه قولتله انت رجعتلي الاول ف المعاد كشفت ع الجهاز وع اي اساس هتاخد تمن كشف وانت جاي وعارف فين المشكله ومكسل حتي تعمل كشف ع الجهاز!!!قولتله يعني هي حاجه من الاتنين ياما انتوا نص ا بين وبتخلوا الفنيين بتوعكم يقولوا انه ايه قطع غيار بايظه وعايزه تتغير عشان تطلعوا قطع غيار من عندكم ياما الفني بتاعكم مايفهمش حاجه اللي انا مارضيتش اجيب اي حد من الشارع وطلبتكم انتوا عشان اكون مطمن ان الفني شاطر ومش هيعك معايا ف تصليح حاجه ".
واستطرد ،" يرد عليا ويقولي الفني بلغ انه عمل زياره لحضرتك والكشف هيتحصل هو وتمن قطع الغيار يوم 21 واخبط راسك ف الحيط !!!!!اسوء تجربه ع الاطلاق احتيال ونصب عيني عينك كده".
