الحرام دخل بيتك.. أبنك بيلعب قمار من غير ماتعرف
نشر أحد نشطاء موقع التواصل الاجتماعي فيس بوك، بوست أشار فيه إلي أن شعار مقامرة أصبح منتشر، وذلك من خلال أبلكيشن مراهنات متداول خاصة عند معظم الشباب.
وأشار كاتب المنشور إلى أن الأبلكيشن أصبح إعلان متداول وكان ذلك واضحا في مباراة الأهلي والترجي الأخيرة في أستاد القاهرة الدولي.
وناشد، علي كل أب وأم أو شاب، بأن يبحثوا في تليفون أبنائهم ويعرفوهم أن هذه مراهنات وهي حرام شرعا خاصة أنها نوع من أنواع القمار.
وقال منشوره: "1xBet ودا ستاد القاهرة الدولي اللي مايعرفوش دا ابلكيشن مراهنااات تحط فلوس تراهن، تكسب او تخسر زي كازينوهات لاس فيغاس مافرقش أي حاجة عن الروليت والبلاك جاك والحاجات اللي المفروض اتربينا على انها حرام دينياً .. وفاسدة أخلاقياً .. ومدمرة مادياً.
وتداول رواد مواقع التواصل المختلفة، والنهاردة احنا بقينا بنعمل اعلانات بنستهدف بيها شبابنا انهم يحطوا فلوسهم في استثمار مراهنات، احنا في كارثة حرفياً ! .. الموضوع اصلاً منتشر بقاله فترة مش قليلة زي الفيروس وسط الشباب الشباب اللي وسط الظروف الحالية ، قرر يستسهل ويستحل الفلوس الحرام ، لدرجة خلِّت أحدهم ينزل صورة لشوية فلوس تحت عنوان " الحمد لله دا مكسبي من رهانات اليوم.
وتابع، انا دخلت على جروب يخص الابلكيشن واللي بالمناسبة عليه اكتر من 100 ألف شخص وحرفياً بشوف كوارث !! .. بس كنت فاكر ان الموضوع مقتصر على السوشيل ميديا بس انما يطلع مقنن ويتعرض علينا كمان.
وأوضح، الموضوع محتاج وقفة، امسك موبايل اخوك الصغير او ابنك او اختك ودور في الأبلكيشنز .. ولو لقيت اللوجو دا ، بالراحة كدا فهمه يعني إيه مقامرة وبتعمل ايه في البني آدم اللي بيدمن عليها ومدي حرمانيتهااللهم اكفِنَا بِحَلالِك عن حَرَامِكواغنِنَا بِفَضلِكَ عَمَّن سِواك".
