لو هتبيع ببلاش ماتشتروش منها.. نجاه فتاة من الموت بعد انفجار بوتاجاز "فريش" فى جسمها
اتهمت فتاة شركة فريش بتعريض حياتها للخطر بعد أن انفجر بوتاجاز الشركة فى جسمها مما نتج عنه تلفيات كبيرة فى منزلها ، دون أي استجابة من الشركة.
وقالت الفتاة" عندى بوتجاز فريش مودينا و سخان فريش بقالهم شهر بالظبط ، الاتنين بيهبوا فيا و كنت شاكه ان البوتجاز بيسرب غاز حاولت اتواصل مع خدمه العملا اكتر من 10 مرات يلطعونى و فى الاخر voice mail يقول هنبعت رساله و محدش يعبرنا لحد ما واقفه فى المطبخ الغاز انفجر فيا و جسمى بشعرى برموشى اتحرقوا و المطبخ اتحرق و لما خرجت لقيت الشباك بتاع الريسيبشن بعرض الحيطه وقع فى الشارع و بقى بالمنظر ده من قوه الانفجار ".
وتابعت،" انا فعلا مش مصدقه انى عايشه بعد الى حصل ده و الحمدلله على كل الى يجيبوا ربنا بس الشركه المحترمه لحد دلوقتى بعد الانفجار بيومين مبيردوش علينا بجد اسوء شركه و اسوء خدمه ما بعد البيع حسبى الله و نعم الوكيل شركه لو بتبيع ببلاش متجيبوش منها احنا كنا هنموت".
وكانت إحدي السيدات قد حذرت من قبل من منتجات شركة فريش بعد انفجار زجاج البوتاجاز الذى اشترته بعد 10 أيام ، على حد قولها ، وليست هذه الشكاوي الأولي من منتجات الشركة.
وقالت صاحبة الشكوي مع منتجات شركة فريش،" مساء الخير ي جماعة انا مش عارف الاهمال هيوصل لحد فين ؟بوتجاز من شركة FRESH فريش مكملش 10 أيام شغال ينفجر الازاز لوحده ويتسرطن من غير حتي ما يكون البوتجاز شغال تكلم خدمة العملاء يقولك الازاز خارج الضمان وان تكلفة الازاز عليا انا رغم انه اتكسر من الحراره ولاحظت في الجروب ان ده حصل مع كذه شخص قبل كده يعني مشكلة صناعه .. ولما اتخانق معاهم في التليفون وقولهم هقدم شكوي في حماية المستهلك يرن عليا مسؤل من عندهم يقولي هنقدر نعمل لحضرتك خصم 25% والغلط غلطهم ؟ امال الضمان لازمته ايه مش فاهم ؟ علي العموم انا كده كده قدمت شكوي في حماية المستهلك ..الصفحة الرسمية لجهاز حماية المستهلك بمصر ومستني اشوف ردهم بس قولت انزل البوست علشان انصح محدش يجيب اي منتج من فريش حقيقي المنتجات خساره فيها الفلوس و الصيانة وخدمة العملاء شئ اسوأ مما تتخيلوا".
وكانت قد نجت أسرة من الموت بعد انفجار بوتجاز الخاص بها بعد إصلاحه من فني شركة فريش ، وقالت صاحبة الواقعة ،" كان عندي بوتجاز هامر من FRESH فريش و ولع نتيجة خطأ من الفني اللي جه صلحه من فترة
الفرن انفجر بسببهم و البوتجاز ولع و طلع نار و قعدنا نطفي فيه كتير جدا و النار كانت طالعه من ورا و من قدام و بهدل المطبخ من النار و زجاج الظهر و الفرن انفجر و طار في كل حتة ".
وتابعت عن بوتاجاز فريش،" دمر الشقة من الدخان و الريحة و الدخان كان في كل حته و كان ممكن يخنقنا لو كنا اتأخرنا ثواني بس!!!!!كمان حرق الشفاط اللي فوقه من النار و فيش الكهربا اللي فوق البوتجاز و كان ممكن يموتنا و يحرق الشقة كلها!!!!! دا يرضي مين بجدد المهم كلمنا فريش و بعته مهندس و قال ان دا حصل بسبب الخطأ بتاع الفني اللي جه صلحه من فترة و بقالنا 3 ايام بنتواصل معاهم و هما عارفين ان الغلط منهم لان مفيش حاجة ممكن تخللي البوتجاز ينفجر و يولع كدا و دا كلامهم كمان".
وقالت عن مشكلتها مع شركة فريش ،" مع العلم ان البوتجاز في الضمان و الغلط من عندهم و هما بيماطلوا و مش عايزين يدفعوا اي تعويض و الحل اللي عندهم اننا ندفع ٥ الاف جنيه و يخدوه يصلحوه و قالولنا ممكن تكلفة التصليح تزيد كمان!!! يعني احنا كنا جايبين اغلي بوتجاز من عندهم بميزة الامان و انه امن و مش بيسرب غاز علشان يولع بعد 4 سنين و هو في الضمان؟؟؟؟ و كمان هما مش هيعوضونا!!!بصراحة فريش اسوأ شركة ممكن تشتروا منها منتجات كويسة و كمان خدمات العملاء بتاعتهم وحشيين جدا و مش بيحلوا حاجة خالص، و الفنيين بتاعهم مش بيعرفوا يصلحوا حاجة خالص بجد تجربة سيئة جدا".
