مقتنيات بـ92 ألف جنيه.. شاب يتعرض للسرقة داخل أتوبيس شركة غرب الدلتا
تعرض شاب لسرقة مقتنياته وجهاز اللاب توب الخاص به داخل أتوبيس تابع لشركة غرب الدلتا على حد قوله أثناء سفره للإسكندرية.
وقال صاحب الواقعة" انا اتعرضت لسرقة في شركة غرب الدلتا حجزت للاسكندرية يوم الخميس 25 مايو من بني سويف و اتحركت الساعة 7.30 ص و توقفنا في ريست قبل كوبري العالمين الساعة 13.30 الباص توقف و نزلت بعد متوقفنا بدقائق، معداش 10 دقائق كنت بدورة المياه طلعت لاقيت الباص مش موجود اتحرك!!!! وشنطتي اللي فيها هدومي و لابتوب ماك بوك برو قيمته 80.000ج و سماعه و ساعه آبل وتش قيمتهم 12.000 ج موجودين في الباص. حاولت اتواصل مع الشركة مش بيرودوا علي ال هوت لاين و لاعارف اوصل لحاجتي و لا عارف حتي اتحرك من الريست".
وتابع" حد من ال ريست كتر خيره حاول يساعدني لانه معاه ارقام معظم السواقيين عرف يجيب رقمه و كلمنا السواق بدل مايهدي او ينتظر في اي ريست او يعرض اي حل للموقف، كل ال عليه انه كان بيزعق و بيقول انا قولت في حد تحت ولا لأ و محدش قال حاجه فاتحركت؟؟؟ و مردش عليا تاني الا بعد ماوصل اسكندرية والركاب نزلوا و قالي انا مش لاقي شانطتك تعالي و شوفها بنفسك طبعًا روحت ملاقيتش الهوا؟؟؟؟".
وقال صاحب الواقعة مع شركة غرب الدلتا،" انا مش عارف ازاي ممكن يكون في قلة ضمير و عدم منهية بالشكل ده يسيب راكب علي الصحراوي و يقولي مش لاقي شنطتك ال هيا عنده في الباص حتي مخلهاش جمبه او الله اعلم وداها فين؟ او مين اخدها؟ وليه لما راكب مطلعش يروح علي الاقل يشوف شنطته فين و يسبها في الأمانات؟؟؟؟".
