حورية فرغلي: أنا إتجوزت مرة واحدة لمدة 3 أشهر ولا أستطيع الإنجاب

كشفت الفنانة حورية فرغلي، العديد من أسرار عن تفاصيل حياتها الشخصية، مشيرة إلى أنها تزوجت مرة واحدة ولم يستمر الزواج سوى 3 أشهر فقط.

حورية فرغلي: أنا إتجوزت مرة واحدة لمدة 3 أشهر ولا أستطيع الإنجاب 

قالت حورية فرغلي  خلال لقائها ببرنامج “صبايا الشمس”مع الإعلامية ريهام سعيد: "أنا كنت هتجوز في 2002 حد مسؤول كبير من العائلة الحاكمة في الإمارات بس مات قبل الفرح بيوم، بس قبل ما يموت لم يضِف لثروتي ولا جاب لي خيل، بس فيه هدايا كان جايبها لي لسه محتفظة بيها، وفي الحقيقة إني من وقتها لم أرتبط بأي شخص ولا دخلت في أي علاقة وما حدش أصلًا كان بيتقدم لي".

تابعت: "أنا اتجوزت لمدة 3 شهور من ابن الإعلامي أحمد فراج واتطلقت بسبب الكلام اللي كان بيتكتب في الجرايد بسبب جائزة ملكة جمال مصر، بس احنا أصحاب جدًّا لحد دلوقتِ، أنا اتطلقت منه 2003 قبل ما أدخل التمثيل".

 أضافت:" اكتشفت إني مبخلفش ومليش في الإنجاب، ومش ده كان سبب طلاقي ولكن مكناش سعداء مع بعض، وكذا طبيب أكدوا لي إني مليش في الخلفة، ودي حاجة مولودة بيها وعملت اختبار في إنجلترا قالوا لي الرحم نفسه مش طبيعي، وأنا الحمد لله راضية".

حورية فرغلي: عملت 27 عملية في مناخيري ومكنتش بحب أبص في المراية

تصدرت الفنانة حورية فرغلي، ترند موقع البحث الشهير جوجل خلال الساعات الماضية، بعد كشفها العديد من التفاصيل حول دخولها عالم الفن ومعرفتها بالمخرج يوسف شاهين.

قالت حورية فرغلي  خلال لقائها ببرنامج “صبايا الشمس”مع الإعلامية ريهام سعيد:”تعرفت على مساعدة المخرج الراجل يوسف شاهين وصممت إنها توصلني له، وبالفعل رُحت، وهو كان وقتها بيمنتجوا فيلم هي فوضى مع خالد يوسف، وقتها قال لي انتي رقيقة والكاميرا بتحبك”.

وتابعت:”يوسف شاهين قال لي إنتي بتعرفي تمثلي، قلت له بصراحة مبعرفش، قال لي خليكي احضري معايا ورش، وأنا تحمست ليكي، قلت له ممكن تقول لي على مكان آخد فيه دورات وورش تمثيل علشان محدش يقول عليا إني واسطة، وعلشان ملكة جمال مصر دخلت التمثيل، ولكن بتمثل علشان هي موهوبة وشاطرة”.

وواصلت:” فعرفني بواحدة اسمها مروة جبريل، وقال لي تروحي تاخدي معاها ورشة، قلت له يا إما ابقى نمبر وان، يا إما مش هقبل أمثل، وللأسف بعدها توفي، بعدها كلمني خالد يوسف، واشتركت في فيلم كلمني شكرا، وأنا فعلا بعرف ارقص وبحب الرقص”.

واستكملت:”بعد حادث سقوطي من علي الحصان عملت 27 عملية في مناخيري وفي الآخر مكنتش بعرف اتنفس، ومش عارفة اتذوق الأكل ولا أي حاجة وشكلي مكنش حلو، ومكنتش بحب أبص في المراية، وكنت بحط فويل على المرايات، وأنا مشكلتي لما أوصل للقمة في أي حاجة بتحصل لي مشكلة بتخليني أروح لمكان تاني”.

وتابعت حورية فرغلي :”أديت الحج 7 مرات وعلى طول محسودة وأي حد يقول لي أي حاجة لازم مصيبة تحصلي، دايما بقول يارب احميني، وعمري ما دعيت إني يارب عايزة اتجوز أو أخلف، دعائي على طول إني ربنا يحفظني ويحميني، وانا راضية بحالي”.