طارق الشناوي عن تقديم جزء ثانِ من جعفر العمدة: ياريت يفكروا في حاجة تانية
كشف الناقد الفني طارق الشناوي، رأيه في تقديم جزء ثاني من مسلسل جعفر العمدة، بطولة الفنان محمد رمضان، والذي حقق نجاحًا جماهيريًا في السباق الرمضاني الماضي لعام 2023.
وقال طارق الشناوي، في تصريحات تليفزيونية، محدش يقدر النجاح والفشل إلا لو العمل الفني على الشاشة، نظريًا لو حد سألني قبل أن أرى عن الفكرة كنت قولتلهم لأ، وانت عامل عمل فني بينتهي في الحلقة التلاتين، وجعفر العمدة من الأعمال التي نجحت، الحالة الشعبية اللي عملها محمد رمضان ومحمد سامي كثنائي ناجح وصلت إلى الذروة.
وتابع طارق الشناوي: ولم تكن المرة الأولى تالت تجربة منهم تحقق نجاحًا، والواحد يكتفي بالوصول إلى الذروة، ونجحان في عملين، وفي كل الأحوال وده كلامي نظريًا، يكتفي بهذا القدر ويفكروا في حاجه تانية، ولما تتفرج على عمل فني وتصل إلى الذروة، لازم الجزء الثاني يعلوا على الذروة، وده في حد ذاته يشكل قيد على محمد سامي، وده التخوف النظري، وبشكل علمي واحد قرر إنه يعمل تجربة وعنده أسبابه أكيد فكر في كلامي، صفصف مثلًا كانت بعد الذروة، ولو فكروا ولاقوا الحالة الدرامية.
طارق الشناوي: ليالي الحلمية من الأول قرروا يعملو أجزاء وهم 5، ولما عملوا السادس فشلوا فشل ذريع، وأنا مش ببقى أصادر أي تجربة في حد مبدع.
وأما عن إعادة تقديم فيلم شمس الزناتي بطولة الفنان محمد عادل إمام، قال طارق الشناوي: شمس الزناتي أصلًا فيلم ياباني، والأمريكان خدوه منهم، وديه تركيبة عالمية، ويجب يكون عندك إطلالة، ومخرج الفيلم كسر الدنيا وهو معاه عادل إمام، واللي أنا أعرفه إن هم مش هيعملوا جزء ثاني، هيعملوا نسخة تانيه، ومش هنصادر على حق التجربة، والعمل حالة عامة، وقالب عام، ويتيح لكل مخرج وكاتب إنه يفكر، والقالب ده أتعمل بالياباني والمصري والأمريكاني، وممكن يكون فيه معالجة مختلفة.
