حمو بيكا ينتظر مولود جديد.. وقصة خلافه مع عمر كمال

تصدر اسم مؤدي المهرجانات حمو بيكا التريند ، وذلك بسبب بسبب الكشف عن حمل زوجته بعد مرور 3 سنوات من زواجهما، وأنهما بانتظار مولودهما الأول، مضيفا: “لو ولد هسميه فهد ولو بنت هسميها تاج”.

وقال حمو بيكا خلال تصريحات تليفزيونية إنهما متزوجان منذ 3 سنوات، وإن زوجته حامل في الشهر الرابع للمرة الأولى، مؤكدًا أنه شعر بسعادة كبيرة حينما علم الخبر.
 

وتابع: "كل الناس فاهمة إن الحياة كلها ذهب، وقالوا قبل كده إني عملت عربيتي بالذهب، أنا معايا كام علشان أعمل كل ده بالذهب، ده ورق اسمه ورق عيار 24".

حمو بيكا وعمر كمال

قال مؤدي المهرجانات حمو بيكا أن كلامه عن الفنان عمر كمال في برنامج "العرافة" في رمضان الماضي تسبب في قطيعة جديدة بينهما.

أضاف حمو بيكا في تصريحات تليفزيونية: "أنا كنت بهزر في برنامج العرافة وقلت عمر كمال عامل عمل عشاني، لكن كنت بهزر وأنا بحب عمر بعد الحلقة كلمته وقلت له أن بهزر إنت مليكش دعوة، ومن بعدها مكلمنيش".

وكان حمو بيكا حل ضيفا على الإعلامية بسمة وهبة في برنامج "العارفة" في رمضان الماضي، وتحدث عن تعرضه لعمل سحري، قائلا: عمر كمال هو اللي عملي السحر، عشان أقف وما أشتغلش.. الشيخ قالي حد أسمه عمر.

تابع حمو بيكا قائلًا:" نعم.. عمر كمال هو اللي عملي السحر، عشان أقف وما أشتغلش.. الشيخ قالي حد أسمه عمر.. وقالي كلكم هتقعدوا وهو الوحيد اللي هيشتغل.. والحمدالله فكيت السحر واشتغلت.. وغلبته بالقرآن الكريم.. وبعدها صاحبت عمر كمال خوفًا منه عشان ميعمليش حاجة تاني، ولابس الفانلة الداخلية بالمقلوب".

وعن رأيه في الغناء بالكباريهات، أضاف بيكا: :"اه بغني في الكباريهات ولو مش هغني في كباريهات هغني فين؟! وده شغلنا واحنا مش بنعمل حاجة حرام، وربنا بيرزقني ولو ده شغل غلط مكنش حد طلع".