الرئيس السيسي: "مش بقلق من السوشيال ميديا.. وربنا هو اللي هيحاسب"

قال الرئيس عبدالفتاح السيسي، إن المرحلة الأولى من مشروع حياة كريمة، كان مقررا أن تنتهي منذ عام، وكانت تكلفتها تتراوح بين 200 لـ250 مليار جنيه، متابعا أنّه بسبب الأحداث التي شهدها العالم، ارتفعت التكلفة إلى 350 مليار جنيه.

الرئيس السيسي: "مش بقلق من السوشيال ميديا.. وربنا هو اللي هيحاسب"

وأضاف الرئيس خلال جولته التفقديه بقرية الأبعدية في البحيرة، وحديثه مع المواطنين،  قائلا: «يعني الـ3 مراحل هيعدوا 1000 مليار جنيه، دي مش فلوسي ولا فلوس الحكومة، دي فلوسكم».

وقالت إحدى المواطنات للرئيس: «نورتنا وشرفتنا ياريّس، وأنا دلوقتي بافتخر إنّي من قرية الأبعادية، لأن حضرتك عملتلنا حياة كريمة وحاجات جميلة جدا في القرية، وبقي عندنا طب أسرة، ودلوقتي بدل المريض في البيت محتارة أروح بيه فين ممكن يموت عندي بالليل، وبدل ما نجرى بيه على دمنهور دلوقتي بنروح بيه طب الأسرة جنبنا هنا».

وتابعت: «كتر خيرك عملتلنا مركز تكنولوجيا للستات الكبار بدل ما يروحوا لمشاوير طويلة، وبنشكر حياة كريمة لأنها وقفت جنبي لأن جوزي متوفي وأنا أرملة وعينت ابني عشان يصرف عليا، وبنشكر حضرتك يا ريّس وكل حاجة جميلة عملتها».
 

وقالت سيدة أخرى تدعي روحية خميس، أول سائقة في البحيرة، إنّه لولا توجيهات الرئيس السيسي كانت ستشرد هي وأبنائها، قائلة: «أنا مسكت في كلمة حضرتك قولتها من 5 سنين إن الست قوية وتقدر تشتغل كل حاجة، ومسكت فيها وعملتلها دراسة جدوى ليا، والكلمة دي بقت ضهري وسندي، واتعلمت السواقة وسوقت ومشيت بقلب جامد ولما بمشي بقول الرئيس قال كده وخلاص، وكمان اتكرمت كأم مثالية في البحيرة، حضرتك فخر لينا ونصرة للمرأة».

أكد الرئيس السيسي أن مابقلقش من السوشيال، فالناس بتتكلم، زي زمان ماكانت تتكلم على القهاوي.. أصبحو يتكلموا الآن على السوشيال ميديا، متابعاً، وتابع الرئيس عبد الفتاح السيسي: "اللي هيحاسب على الكلام ده وشايفه واحد بس ربنا ، ومش بقلق خالص من اللي بيتقال في السوشيال ميديا".

وأضاف الرئيس السيسي اللي بيتولى الأمور ربنا، فهو المهيمن، فخلينا معاه، جاء ذلك خلال حديثه لأهالي قرية الأبعادية بالبحيرة، وذلك ردا على تساؤل أحد الشباب بخصوص المستقبل، ومايثار من أكاذيب ضد الإنجازات والمشاريع المصرية في عهد الرئيس عبد الفتاح السيسي

وقال الرئيس، احنا كدولة نعمل أكثر من طاقتنا.. بكم جميعا، ولو نقدر نعمل أكتر من كدة حنعمل، وقلت من قبل، إنه كل ساعة الدولة تضيعها في اقتتال ده خراب سنين، وبدل ما تختلف معايا رغم أنه حقك، بدل ذلك اشتغل.