السيسي: والله العظيم البلد عايزة عمل عشرات السنين بلا كلل ولا ملل

قال الرئيس عبد الفتاح السيسي إن حجم العمل المطلوب في الدولة "كتير أوي أوي"، مضيفاً، "والله العظيم عايز عمل عشرات سنين بلا كلل ولا ملل، والدكتور معيط مايقوليش مفيش فلوس.. أنا بس عايز أطمنكم احنا ماشيين كويس، ويمكن فيه شاب كلمني وقال لي طمِّني على الشباب، يا محمد احنا هنزرع 2.5 مليون فدان على آخر السنة الجاية، امتداد البحيرة، يعني قد البحيرة كلها مرة وشوية، ربنا يعيننا كلنا".

السيسي: والله العظيم البلد عايزة عمل عشرات السنين بلا كلل ولا ملل

وتابع الرئيس عبد الفتاح السيسي: "باقول كده ليه؟ عشان كتير مننا بيقول الأكل غالي.. صحيح، كنت عايز أوقف الدكتور مدبولي وهو بيتكلم، واوعوا تزعلوا من اللي هاقوله.. نشيل ده وناكل؟ ولّا أسيبه ونتعب شوية؟".

وأوضح الرئيس السيسي، في كلمته بالمؤتمر الوطني للشباب ببرج العرب بالإسكندرية: "كانت الناس بتقول الدولة بتهد الجوامع ويا مسلمين وحرام عليكم.. يا سيدي هنرجع الجوامع تاني وهنرجع الكنائس تاني بس هنرجعها صح، وأنا بكلمكم كده إحنا شغالين في امتداد محور المحمودية الـ55 كيلومتر، علشان أوصل للبحيرة، علشان تبقى أنت من الإسكندرية وتكمل المحور لغاية البحيرة ويبقى محور بديل، ويقولك بلد بتحب الطرق.. انتو مش واخدين بالكم يعني إيه بلد ولا إيه.. الدولة حاجة تانية خالص.. الدولة في تخطيط والتخطيط ده بيقوم به علماء ودكاترة جامعة ودكاترة في الوزارات المعنية وبتضع تصور ولو قدرت الدولة تعمله خير.. ولو ما قدرتش يبقى خطط على ورق".

وأكمل الرئيس السيسي: "علشان أكمل موضوع محور المحمودية.. كان اللواء هشام آمنة محافظ للبحيرة، جه قالي يا فندم علشان أشيل الناس الموجودة على محور المحمودية في الجزء عندي أنا عايز 800 مليون جنيه وده من 3 سنين، والحكومة وفرت الـ800 مليون وشلنا كل التعديات الموجودة ولكن كان فيه قدام التعديات دي تعويض اجتماعي، ماقلناش إن اللي تعدى ده الأرض مش أرضه وعلى حرم الترعة، وقلنا لا مانقدرش نسيب الناس دي بالطريقة دي، فحصلوا على شيء من التعويض".

وأردف الرئيس: "إحنا بقالنا 3 سنين بنعمل 55 كيلومتر، ولو النهارده الـ55 كيلو دول بعملهم في أي أرض صحراوية ياخدوا مني 6 أشهر، حد يقولك أنت تقصد إيه.. أقصد أقول إن بناء الدول وإصلاحها أمر ليس باليسير، وأنا كإنسان منكم أمين معاكم وأمين عليكم، واللي هيحاسبني ربنا.. بالمناسبة حسابكم أنتو سهل جدا، لكن حساب رب البشر ربنا شايف كل حاجة ومطلع على كل حاجة".

الرئيس السيسي للمصريين: "أنا أمين معاكم وأمين عليكم وربنا هو اللي هيحاسبني"
 

قال الرئيس عبدالفتاح السيسي، اليوم الأربعاء على هامش زيارته لمحافظتي البحيرة والإسكندرية أن المشروعات التي نفذتها الدولة، لم كان قد تم تنفيذها في مناطق جديدة لما ارتفعت تكلفتها.

وأضاف خلال فعاليات المؤتمر الوطني للشباب بمحافظة الإسكندرية، اليوم الأربعاء: "إحنا بنضطر نصلح ونبني على اللي إحنا صلحناه" وضرب مثالا بأن إنشاء شبكة صرف في منطقة جديدة أقل تكلفة كثيرا عن إصلاح وتطوير الشبكات الموجودة.

وتابع: "دايما المكان الجديد فيه فرصة أفضل للدولة من المكان اللي بندخله في التخطيط السابق اللي تم تجاوزه.. مش مهم نقول تجاوزه ليه، إحنا مش بنوزع اتهامات.. إحنا موجودين علشان نصلح ما أمكن".

أكد الرئيس عبد الفتاح السيسي حرصه على البناء وتوفير حياة كريمة للمواطنين والقضاء علي العشوائية، مشددا على أن بناء الدول وتطويرها أمر ليس باليسير.

وعلّق الرئيس عبد الفتاح السيسي، على تطوير محور المحمودية، قائلًا: "عاوزين نوري الناس كان شكله عامل إزاي، والناس كانت راضية وساكتة"، مضيفاً،  "يعني نخليه كدة وناكل ولا أشيله وأخليه زي ما أنتم بتشوفوه دلوقتي وتبقى الدنيا صعبة شوية، "هل أسيب الناس مرمية في الشوارع وناكل.. ولا أعمل مشاريع ونستحمل علشان أهالينا، "أنا أمين معاكم وأمين عليكم، وربنا هو اللي هيحاسبني.. أنتم حسابكم سهل.. لكن ربنا شايف ومطلع".

وتابع الرئيس السيسي: "أسيب الناس مرمية في الشوارع ونايمة في الصفيح ولا نطور، اللواء هشام أمنة موجود كان محافظ البحيرة وجه قالي يافندم أنا علشان أشيل الناس اللي موجودة على محور المحمودية في الجزء بتاع البحيرة أنا عاوز 800 مليون جنيه والحكومة وفرت المبلغ وتم إزالة كل التعديات على المحور".

وأكد الرئيس عبد الفتاح السيسي أنه لا يقلق أبدا مما يتم تداوله على "السوشيال ميديا" لأنه يعلم جيدا أنها عبارة دردشة للمواطنين مع بعضهم البعض ولكن على الهواء، مشيرا إلى أن المواطنين كانوا قبل ذلك يجلسون على المقاهي للدردشة، والآن يجلسون على "الفيسبوك" يتحدثون.. لكن في النهاية كل واحد في مكانه يرى ما يتم تنفيذه.

واستطرد الرئيس السيسي قائلا: "لو أي مواطن يتعامل مع مستشفى وقدمت له خدمة جيدة سوف يرى ما تم تنفيذه وما الجهد المبذول فيها.. ولو تعامل مع مدرسة أو مركز طبي داخل قرية، لم يكن موجودا من قبل، أو ذهب إلى مستشفى دمنهور سوف يرى ما تم تنفيذه".

وأضاف: "إن الخدمات التي تُقدم في السجل المدني- والتي كان قبل ذلك يتحرك المواطن إلى مكان آخر لإنجازها- والآن هناك مجمع للخدمات أمامه سوف يرى ما تم انجازه، ولو أن أي مواطن رأى الترع يتم تبطينها ببلاطات خرسانية وكذلك الطرق سوف يرى ما تم تنفيذه والجهد المبذول ".

وأشار الرئيس السيسي إلى أن الدولة تعمل أكثر بكثير من طاقتها، مضيفًا "أن الناس تتحدث عن فائدة رصف الطرق وتمهيدها، لكن هذه هي خطة الدولة للتطوير والتنمية"، مشيراً إلى أن حجم الإنفاق الذي كان يُهدر على الطرق في القاهرة فقط حوالي 8 مليارات دولار سنويا.

وأكد الرئيس السيسي أن الدولة ماضية في توطين كثير من الصناعات لتوفير فرص عمل كبيرة والعمل على زيادة الإنتاج المحلي والتصدير للخارج بالعملة الصعبة وتوفير العملة الصعبة الناتجة عن الاستيراد.

ونبه الرئيس إلى أن كل ساعة تضيعها أي دولة في الاقتتال يكون في مقابلها "خراب سنوات"، مطالبا الجميع بالعمل لبناء الدولة.

وقال الرئيس السيسي إن "الجميع من حقه أن يكون على اختلاف معنا.. من حقك أن ترفض لكن بدون أن تتوقف عن أداء عملك ".