تخيل لو حد مريض سكر.. مواطن يحذر من التعامل مع صيدلية العزبي
عبر عدد من المواطنين عن استيائهم من خدمة التوصيل بصيدلية العزبي ، مؤكدين أن فروع صيدليات العزبي لا تهتم بوضع المرضي ، على حد قولهم.
وقال صاحب الواقعة " النهاردة طلبت علاج من صيدلية العزبي من الساعة 11 الصبح ، لحد دلوقتي مجاش، ولا حد منهم اتصل ولا اكني طلبت اصلا من اساسه، وبعتلهم ايميل اشتكي الي حصل واني مستاء من الخدمة بكل برود تم الغاء الطلب بتاعي.تخيل لو فيه مريض سكر او ضغط بيطلب منهم دوا ومفيش قدرة انه ينزل يشتريه من البيت ويتأخر عليه يوم كامل؟ ".
وتابع صاحب الواقعة مع صيدلية العزبي ،" لو مفيش امكانية لزيادة عدد الطيارين، او مفيش امكانية انك تشتغل اونلاين اصلاً ممكن دا ميبقاش اوبشن عندك وتشتغل بس اوفلاين مفيش مشكلة، بس انك تفتح اوبشن ومتعرفش تشغله وتخلي الناس تعتمد عليك دا قمة الفشل!".
وتفاعل معه عدد من المواطنين حيث قال أحدهم،" أسوأ خدمة طلبت مرة منهم دوا الساعة 6.30 المغرب وصلنا 2 صباحا ولا عندهم اي خدمة عملاء"، وقال أخر" دي اسوء صيدليه ممكن الواحد يتعامل معاها".
