"عيب اللي حصل منك".. سيف زاهر يكشف المتورط في تحريض لاعبي الزمالك على التمرد
كشف الإعلامي سيف زاهر، كواليس جديدة عن أزمة تمرد لاعبي الفريق الكروي الأول بنادي الزمالك صباح أمس، موضحاً أن أحد اللاعبين قام بتحريض زملائه على عدم نزول مران الزمالك أمس الأحد، بسبب عدم حصولهم على مستحقاتهم المتأخرة.
"عيب اللي حصل منك".. سيف زاهر يكشف المتورط في تحريض لاعبي الزمالك على التمرد
وقال سيف زاهر في تصريحات تلفزيونية، "في لاعب كبير في نادي الزمالك، قعد مع اللعيبة الصبح وقالهم (مننزلش التمرين غير لما ناخد فلوسنا)"، مضيفاً، "تحدثت مع اللاعب قبل الهواء، وشرح لي بعض الأمور، وأنا قفلت معاه الموضوع اني هطلع اتكلم وهعاتبك وهحكي الموضوع إنك غلطان".
ووجه سيف زاهر، رسالة للاعب قائلًا: "انت بتلعب في نادي الزمالك، نادي كبير، وبتحصل على عقود كبيرة وأخدت من الزمالك فلوس كتير أكتر ما اديتله وحققت مع الزمالك بطولات، اللعيب ده النهاردة كان عاوز يعمل (فورتيكا)، في فرقة الزمالك، اللاعب ده احتمال كبير الموسم القادم ميبقاش موجود".
واصل سيف زاهر تصريحاته قائلاً، "اللي حصل النهاردة من اللاعب (عيب)، واللي حصل من لاعبي الزمالك شئ رائع في لعيبة كتير قالوله (مهما اتأخرت الفلوس ومهما حصل خلاف لا يمكن مننزلش التمرين، بقول للاعب عيب، أنت استفادت من الزمالك اكتر ما انت لاعب كبير لكن اللي حصل النهاردة عيب اللي ليه فلوس عند الزمالك هياخدها".
"هو مفيش غير لاعبي الزمالك".. مرتضى منصور يوجه رسالة قوية لمالك بيراميدز
وجه مرتضى منصور رئيس مجلس إدارة نادي الزمالك "المعزول"، رسالة إلى سالم الشامسي مالك نادي بيراميدز، بعد أزمة اللاعب سيف جعفر.
وقال مرتضى منصور، "ايه يا شيخ سالم، هو مفيش غير لاعبي الزمالك؟ أنت إماراتي محترم، لما كلمتك من أجل ضم عبد الله السعيد رفضت وقلت لا وأنا مقربتش منه، هو ينفع ممدوح عيد يكون رئيس النادي؟ لم الناس دي".
وأضاف مرتضى منصور في تصريحات تلفزيونية، "أوسوريو أخبرني أنه لا يريد الثنائي سيف جعفر ويوسف أسامة نبيه، والأول قام بسرقة العقود التي وقعها وضيع تاريخ أبوه مع الزمالك، رجع العقود اللي سرقتها ياسيف احنا مش عايزينك وخليك ماشي ورا امك".
وتابع مرتضى منصور الصادر بحقه حكم قضائي بعزله من منصبه، "نادي الزمالك مش هيسيب حقه، قدمنا بلاغ للمحامي العام الأول لنيابة شمال الجيزة، ضد سيف فاروق جعفر، بتهمة السرقة، العقود اللي اخدها سيف من وراء الإداري واللي مضى عليها، اسمها استيلاء على مال عام، لأنها عقود ملك النادي، احنا مش عاوزين خلاص بس يرجع العقود اللي اخدها".
واصل مرتضى منصور تصريحاته قائلاً، "يا سيف أنت ضيعت تاريخ أبوك في النادي، ربنا يوفقك في بيراميدز بس رجعلنا عقودنا، تلعب في بيراميدز تلعب في الأهلي، تلعب في أي مكان أنت بعت النادي".
واستكمل مرتضى منصور، "سيف فاروق جعفر عايز ياخد 12 مليون جنيه في السنة ولو وافقنا على طلبه هنضرب أوضة اللبس، سيف فاروق جعفر عايز ياخد 12 مليون جنيه في السنة وهو مش بيلعب في منتخب مصر، بينما يحصل سيد عبد الله وحسام عبد المجيد على مليون جنيه فقط لكل منهما وهما يلعبان في منتخب مصر".
