هل تجوز الصلاة بعد الاغتسال بدون وضوء؟.. أمين الفتوى يجيب

أجاب الشيخ محمد عبدالسميع، أمين الفتوى بدار الإفتاء المصرية، على سؤال هل يجوز الصلاة مباشرة بعد غسل الجسم كله بدون وضوء.

وقال أمين الفتوى بدار الإفتاء المصرية، خلال حلقة برنامج "فتاوى الناس"، المذاع على فضائية "الناس"، اليوم الثلاثاء: "لو حضرتك راجع من الشغل والجو حر ودخلت أخذت دش، عشان تلطف جسمك من الحر، فهنا لا يجوز الصلاة بدون وضوء، لازم النية، لأنها هى أساس العبادات".

وتابع: "لو عاوز تغتسل وبعدها تصلى لازم يكون فى نية عندك إنك بتغتسل لطهارة الوضوء، طيب لو اغتسلت ونسيت النية يبقى كده لازم تتوضأ الأول قبل الخروج للصلاة".