تحذيرات من سيارات " سوزوكي" بعد تعرض فتاة لحادث مأساوي

تعرضت فتاة لحادث نتج عنه إصابتها بكدمات ، بعد أن خبطتها سيارة نقل ، مع تقدم والد الفتاة بشكوي لشركة سوزوكي عن سبب عدم فتحالإيرباج لحماية ابنته وقت الحادث جاء رد الشركة  إن السينسور المسؤول عن فتح الإيرباج ماسجلش إن فيه ضرر حصل.

ونشر الكاتب تامر عبده أمين تفاصيل الواقعة قائلا،"سندس" بنت مصرية شابة كانت سايقة العربية بتاعتها في أمان الله.. أيوا هي العربيةاللي في الصورة دي بس قبل الصورة بشوية وقت مايزدش عن ثواني.. كانت سايقة على الطريق بسرعة 70 كيلو وفجأة فيه عربية نقل كبيرةجت خبطتها من ورا بمنتهى العنف لإن سواق النقل المتهور كان عايز يعدي منها برعونة فعربيتها من قوة الخبطة اتدشملت وشِبه طارتخبطت عربية نقل تانية قدام وقلبتها!.. والنتيجة؟.. الخرشمة اللي في الصورة دي للعربية..

وتابع ،" و"سندس"؟.. بعيد عن الخضة المفزعة والموت اللي كان على بُعد خطوات لولا ستر ربنا بس الحمدلله خرجت منها بسلام باستثناءشوية رضوض وكدمات في الطحال اتحجزت بسببهم في المستشفي..لحد هنا الأمور تمام.. بس اللي مش تمام إن أثناء الحادثة والليالمفروض كان يحصل إن الإيرباج تتفتح من الدريكسيون عشان تحمي اللي بيسوق بس ده ماحصلش!.. رغم إنها كانت رابطة حزامها!.. د."هيثم" والد "سندس" تواصل مع شركة "سوزوكي" عشان يفهم ليه ده ماحصلش فكان رد المهندس اللي عاين العربية إن السينسورالمسؤول عن فتح الإيرباج ماسجلش إن فيه ضرر حصل ولو الخبطة كانت من مقدمة العربية مش من الجناب كان هيفتح!..

وقال ،" رد غريب خلى الأب د."هيثم" في حالة استغراب أو عدم شعور بالأمان زى ما قال لي!.. أنا شاري عربية المفروض بتفتح السيفتي سيستم فيها لما تحصل حادثة كبيرة!.. ليه دا ماحصلش، وإيه اللي ممكن يتصنف حادثة كبيرة لو دي مش كده!.. طب حتى لو ده نظامالعربية دي بالذات ليه وأنا بشتري محدش نبهني على الأقل كنت هختار حاجة معيار الأمان فيها أعلى!..

وقال ،" الأب عارف إن الشركة مش هيكون عندها رد زيادة عن اللي قالته خصوصاً إنهم ردوا بنفس الرد برضه لما جهاز حماية المستهلك سألهم عن الحادثة!.. بس الأب حابب يقول للناس خلوا بالكم إنكم لو لا قدر الله ألف بعد الشر عملتم حادثة لازم تكون بالشكل الفلانيعشان تاخدوا سيفتي شغال زى ما أنتم متوقعين أو اسألوا قبل ما تشتروا عربياتكم عن نظام الأمان فيها بشكل كامل بدون ما تعتمدوا علىالمنطق اللي في بالكم.