أحمد يونس نافيا شائعة وفاته: "مش معقول هوس الريتش يوصلنا لكده"
علق الإعلامي أحمد يونس، على أنباء وفاته خلال الساعات الماضية، وذلك بعد تعرضه لحادث نتج عنه قطع في أوتار قدمه، وإجراؤه عملية جراحية.
أحمد يونس نافيا شائعة وفاته: "مش معقول هوس الريتش يوصلنا لكده"
كتب أحمد يونس عبر صفحته على موقع التواصل الإجتماعي "الفيسبوك" قائلا:" مش معقول هوس الريتش يوصلنا للمرحلة دي؟ أنا والله ما فارق عندي واللي مكتوب لي هشوفه والموت حق، بس لما أصحى ألاقي الناس عمالة تبعت لي، أنا مش بعرف أرد على التليفون طول الوقت وفي ناس هتاخد العنوان المزيف وتنقله".
وتابع:"في ناس بيدوروا على الأخبار على جوجل لما ينط ده في وشهم مش هيقروا اللي جوا لأن العنوان قايم بالواجب وللأسف مش أول مرة تتعمل".
ومازح أحمد يونس قائلا:" للعلم وبالعند فيكم أنا الحمد لله بتحسن وهيطلع لي رجل جديدة بس اصبروا شوية.. الله يهديكم بجد.. البركة في السند جروب عيلة أحمد يونس دايمًا قايمين بكل واجب والله".
واختتم أحمد يونس حديثه قائلًا: وعلى الجانب الآخر ألف شكر للصحافة والمواقع المحترمة وأهل الميديا اللي سألوا وتحروا الدقة في نقل أي حاجة، هو الحقيقة أنا أقل من ينزل عني أخبار، والموضوع الحمد لله ربنا لطف فيه لطف عظيم، بس كتر ألف خيرهم.
وكان كشف الإعلامي أحمد يونس، عن تفاصيل حالته الصحية بعد تعرضه لحادث واجرائه عملية جراحية واصابته بقطع في أوتار قدمه.
وكتب أحمد يونس، عبر حسابه الشخصي بموقع التواصل الاجتماعي "فيسبوك"، قائلا:" الحمد لله أنا أحسن كتير بدعواتكم ليا.. هي فترة بسيطة بإذن الله بس عشان أمشي كويس واتعافى.. لكن أنا الحمد لله أحسن كتير بفضل ربنا ودعواتكم الطيبة".
وأضاف:" التشخيص قطع في وتر اكيليس وجرح عميق 17 غرزة، قدر ولطف الحمد لله كتر ألف خيركم بجد لسؤالكم، وشكرًا لكل اللي اتعمل من أول ما دخلت الساعة 2 بالليل ليلة الحادثة كان دمي متصفي".
وتابع أحمد يونس:" شكرا لكل المواقع المحترمة اللي اهتمت بالمتابعة والسؤال عني.. شكرًا ليكم أنتم هتفضلوا السند والضهر والأهل الطيبين.. شكرًا لجروب عيلة أحمد يونس اللي دايمًا سند كبير ليا"، وكان الإعلامي أحمد يونس، قد تعرض لحادث تطلب دخوله لغرفة العمليات لإجراء عملية جراحية عاجلة.
