برنسة عبد الغني: "أحمد العوضي وياسر جلال بيبعتولي فلوس"
كشفت الفنانة برنسة عبد الغني كواليس مشاركتها في الاعمال الفنية ككومبارس صامت ومتكلم قائلة: "تطلع متكلم على حسب الاخراج سامح عبد العزيز بيديني، والمخرج معتز التوني بيديني أدوار وكلام، وكمان المخرج مجدي ابو عميره، في ناس تانية مبتديش بيقعدوني على فاكهه أو خضار".
برنسة عبد الغني: "أحمد العوضي وياسر جلال بيبعتولي فلوس"
واضافت خلال حوارها مع الإعلامية انجي هشام في برنامج "المنسي" عبر قناة "هي": "لما بيكون في كلام بقبض من الانتاج لو مفيش بروح اقبض من المكتب".
وكشفت عن أسماء الفنانين المساعدين لها ماديا :"ربنا يخلي الفنانين اللي بيبعتولي فلوس على فودافون كاش، مدير أعمال ياسر جلال بيبعتلي ، واحمد العوضي لما شافني في المسلسل الاخير تعبانة وكان عليا فلوس وايجار بعتلي المساعد على البيت، وزينب وهبي بتبعتلي مدير أعمالها، وفاء عامر بعتتلي مرتين".
ختمت قائلة: "أنا اللي بتصل بيهم لانهم قالولي لما تحتاجي حاجة اتصلي بينا، وفي نجوم كتير كتير اتصلت بيهم ومبعتوش، مفيش داعي اقول اسمهم".
