فيفي عبده تتصدر ترند "جوجل" بعد تعرضها للحسد

تصدر إسم الفنانة فيفي عبده، ترند محركات البحث "جوجل" بعد تعرضها لوعكة صحية شديدة ، مؤكدة انها تتعرض للحسد في كثير من الاوقات، والتي جعلتها لا تتحرك من الفراش.

بعد تعرضها للحسد.. فيفي عبده تتصدر ترند "جوجل"

وقالت فيفي عبده في لقاء مع "et بالعربي": "لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجود ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه".

كما تحدثت عن تفاصيل الوعكة التي تعرضت لها، قائلة: "الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة تاج ولو مال الدنيا معاك ومفيش صحة يبقى أنت مش معاك حاجة".

وأضافت فيفي عبده: "دوروا على عروق في إيدي مالقوش ولما عملوا ليا فحص لقوا القلب فيه رفة، وطبلوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين اوضة العمليات بتاعة العمود الفقري، ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس وما كنتش قادرة أطلع علشان اتكرم".

فيفي عبده: شيرين بتغلط لأنها بشر.. ومعرفش محمد رمضان ربنا رازقه ليه

كشفت الفنانة فيفي عبده، عن موقفها من الهجوم الدائم على الفنانة شيرين عبد الوهاب، والفنان محمد رمضان، بسبب تصرفاتهما. 

وقالت فيفي عبده في تصريحات تليفيزيونية:" شيرين عبد الوهاب المصرية الجدعة الجميلة، كونها بتقع فده عشان إحنا بشر، والناس مش لازم الناس تلوم الفنان، لأنه بني أدم ومن حقه يغلط ويهزر، لأنه لازم يكون طبيعي".

وتابعت: "الممثل مش هيقعد زي تمثال الشمع، لازم نكون طبيعيين، هي أكيد مش قصدها تغلط، وهي لذيذة ودمها شربات".

وتطرقت فيفي عبده، للحديث عن محمد رمضان، مؤكدًة أنه يمتلك قدر كبير من حب الجمهور له، وقالت: محمد رمضان مهما تقولوا له، هو ربنا بيحبه ورازقه، مش عارفة ليه رازقه، بس منقدرش نقول ليه".

وأضافت: "هو ربنا مديله نجاح ورزق وحب من الناس، أكيد عمل حاجة جميلة لأمه وأهله عشان كدة ربنا بيديله كل اللي هو في دلوقتي".