منى عبد الوهاب تشكر إحدى الضباط: "تعب جداً علشان يجيبلي مفتاح السويت"
الأربعاء 16/ديسمبر/2020 - 12:52 م
نشرت الإعلامية منى عبد الوهاب، تدوينه عبر حسابها الرسمي بموقع التواصل الاجتماعي "فيس بوك"، تشكر فيه إحدى الضباط، الذي ساعدها على دخول الجناح الخاص بها بالفندق.
وكتبت منى: "طيب، لولا إن في ظابط محترم جداً "المقدم رؤف مصطفى" كان زماني لسة لحد دلوقتي مَش قادرة آخد مفتاح السويت بتاعي، الحقيقة إنه تعب جداً علشان يجيبلي مفتاح و يديني نسخة من فاتورتي".
وتابعت: "إتضح طبعاً إن مدير الأوتيل "أحمد شاندويلي" الي لا يصلح يكون مدير فرن بلدي كذاب و شرطة السياحة الحقيقة ما كانش ليها أي دور في منعي من دخول جناحي، بالعكس أنا شاكرة جداً على مجهوداتهم و مجهودات الإدارة الي من غيرهم حقيقي ما اعرفش كان حصل إيه أسوأ من كدا".
واختتمت: " المقدم رؤف مصطفى و الرائد مصطفى رضى هم الي بيعملولي محضر إثبات الحالة و حقيقي بيجيبولي حقي، شكراً حقيقي مَش كفاية ليهم و للإدارة المحترمة التابعين لها".
كانت الإعلامية منى عبد الوهاب قد نشرت إستغاثة عبر حسابها الشخصى على موقع التواصل الاجتماعى فيس بوك من رفض أحد ضباط شرطة السياحة بأحد الفنادق دخولها للجناح الخاص بها بالفندق.
وقالت منى عبد الوهاب " يا جماعة ظابط شرطة السياحة الي في فندق #سوفيتل_الجزيرة خد قرار مع نفسه اني ما أدخلش السويت بتاعي و وقف مفتاح السويت الي انا دافعة تمنه ليوم الأحد علشان انا قفشت على صاحبته و هزأتها، المدير المناوب الفاشلة انا قلتلها انتي فاشلة فأنا دلوقتي بيتبلطج عليا اني ما دخلش سويت دافعة تمنه و فيه فلوسي و هدومي و شغلي، هل الي بيحصل دا قانوني ؟؟ هل دا لما بيحصل مع سياح بيشوفونا ناس محترمة فنادقنا مؤتمنة عليهم ؟؟".
