عمرو محمود ياسين يرد على برنسة عبد الغني: مالقتش فكرة مناسبة لقصة حياتك
علق السيناريست عمرو محمود ياسين، على تصريحات الفنانة برنسة عبد الغني، أشهر كومبارس فى مصر بعد اتهامها له بأخذ مسلسل يتضمن قصة حياتها وعدم الكتابة عنه.
عمرو محمود ياسين يرد على برنسة عبد الغني "مالقتش فكرة مناسبة"
وكتب عمرو محمود ياسين عبر حسابه على موقع التواصل الإجتماعي “الفيسبوك”.: “ النهاردة لاقيت الخبر ده.. برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه يا أستاذة برنسه تحياتي ليكي أولا ”.
وتابع" ثانياً حضرتك كنتي قابلتيني و احنا بنصور مسلسل ونحب تاني ليه على ما أتذكر ولاقيتك من تلقاء نفسك جايبالي ملخص وقولتي لي اقراه عشان عايزه إني اعمله مسلسل وقتها كنا لسه بنصور وما قدرتش اقراه وقتها ".
وأضاف عمرو محمود ياسين: " و قريته بعد كده لما اتصلتي بيا فكرتيني به بعد فترة طويلة .. وقتها انا قريته وللاسف مالقتش فكرة مناسبة له .. وحضرتك ماكلمتينيش تاني و انا ماتصلتش برضه و ده تقصير مني بعتذر عنه".
اختتم:" لكن مش عارف جبتي منين حكاية اني انا ضيعته ؟؟ مش عارف جبتي الفكره دي منين ؟ الملخص بتاعك في الحفظ و الصون زي ما هو .. و تقدري تاخديه وقت ماتحبي .. و ربنا يكرمك".
وكانت الفنانة برنسة عبد الغني قد كشفت عن حبها للنجم ياسر جلال قائلة: "بحب ياسر جلال فنيا وإنسانيا لأنه بيساعدني ومسلسله السنادي كان جميل أوي".
وتابعت: "كنت عايزة قصة حياتي تتعمل في عمل فني وكتبت خمس صفحات واديتهم للمؤلف عمرو محمود ياسين على أساس هو يكمل لاني كتبت ملخص خدها ضيعها وقالي كده لما كلمته ولو هعمل قصة حياتي هختار مريم نعوم".
وتحدثت عن ذكرياتها مع الفنانة عبلة كامل في فيلم خالتي فرنسا قائلة :', فيلم خالتي فرنسا أقرب فيلم لقلبي من اللي شاركت فيهم ونفسي اتواصل مع عبلة كامل واكلمها ست الله يباركلها في بناتها ست جميلة اوي.
