"نزل نص الركاب ومشي بالباقي".. سيدة توثق استهتار سائق قطار "إسكندرية – القاهرة"

سردت سيدة تجربتها مع سائق قطار "إسكندرية – القاهرة" الذى لم يلتزم بالوقت المحدد للوقوف فى المحطات للسماح بالركاب بالنزول من القطار، مما عرض حياة ابنها وزوجها للخطر.

وقالت صاحبة الواقعة،" عاوزة اعرف ازاى اقدم شكوى فى سائق القطر اللى تفاصيلة بالتذكرة بتوقيت دة باليوم دة احنا راجعين من إسكندرية لبنها المفروض انى بنزل والدتى وولادى القطر اتحرك وابنى الكبير بينزل كان هيقع لولا انى لحقتة وهو بيقع من القطر لانة اتحرك ومش بس كدة دة كمان جوزى وابنى 5 سنين وابن اختى 11 سنة وجوزها وركاب كتير ملحقتش تنزل من القطر المفروض القطر يقف 3 دقايق حسب معاون محطة بنها ما قال لى ولكن القطر مشى اقسم بالله القطر مكلمش غير 40 ثانية واتحرك وبلغنا بالمحطة ان القطر مشى وان ابنى لحقتة وهو بيقع وانا كنت بخضة ربنا ميكتبها على حد يارب بحيث انوا يقف فى قليوب أو قها ينزلهم".

وتابعت،"  واتصل بيه موظف من داخل القطر بالسائق بحيث انوا يقف وينزل الركاب فى طوخ او قها او قليوب والسائق رفض واضطروا يوصلوا لحد شبرا اة هو المعاون كلم معاون شبرا يرجعلى ولادى وجوزى بالقطار بس السائق مهمل لأكبر حد كنت هعمل اية لو ابنى وقع تحت القطر او ابنى ال 5 سنين لوحدة بالقطر لية حياة الناس ملهاش قيمة عند سائق مستهتر عاوزة يجري واللى يموت يموت ارجوكم ساعدونى ازى اقدر اقدم شكوى فى السائق بحيث انوا يتعاقب يمكن اللى زية يرتجعوا عن تهورهم وعن اهملهم لحياة الناس حبيت اوضح نقطة ان المعاون بالمحطة تعاون فى انوا يرجعهم من شبرا لبنها بس نقطتى المهمة ان السائق لازم يحاسب على استهتارة بحياة الناس".