"بيشغلوا بلطجية".. شكاوي وتحذيرات من التعامل مع شركة فودافون
وثقت سيدة تجربتها فى تعامل خدمة عملاء فودافون مع العملاء ، قائلة " قمة في قلة الذوق والبلطجه وجالي احساس اجرري يا مجدي انا ايه اللي بعمله هنا في البلد ديه لما ادخل فرع من الفروع المحترمه لفودافون والاقي خمة العملاء اللي المفروض بيتنقو على الفرازه وشغلتهم مش بس تيسير مصالح الناس لا التعامل اللبق واحترام الكبير.. ولا اي حاجه من دول شوفتها الا وكانت بالعكس..لما يكون واحد من المحترمين بتوع خدمة العملاء بيزعق في راجل كبير عشان بيشتكي انه دوره 118 واللي واقف بياخد الخدمه هو رقم 122 مافيش خمس دقايق واحده تانيه صوتها علي عشان دورها عدى وهي قاعده وقبل الموقفين دول سالنا واحد من بتو ع خدمة العملاء هل الارقام دي هي ادوار الناس واحد منهم يرد بمنتهى التناكه انه هي شغاله ومظبوطه والله كان المفروض اصور فيديو قله ادبهم عشان لما شركه كبيره زي فودافون تسيب الاشكال دي في شغلها يبقى بجد الشركه دي لازم تتقفل ..فرع العبور الحي الاول.. والله انا مشيت من غير ماعمل اللي كنت عايزاه عشان عارفه انهم مش هيمشو لي مصلحتي".
وقال صاحب مشكلة أخري،" فودافون Vodafone Egypt للأسف ماعندهمش اي حلول لاي مشاكل وده معناه ان الخدمه بعد البيع صفر وكل موظف كلامه غير التاني وده مش طريقة احترافيه لشركات عالميه.. المشكله اني عميل لفودافون من اكتر من 20 سنه وعلشان سافرت ونسيت اشغل الخط فتره تم وقف الخط بعد ماكنت حريص اني اشغله وانا خارج مصر خلال 15 سنه ..طيب الخط لسه بإسمي ومانزلش مبيعات ليه فودافون مش عاوزه ترجع الخط .. مافيش اي رد واضح من الشركة .. هل علشان الرقم مميز وممكن يكسبوا منه في اعادة البيع .. الله اعلم .. انا طلبت يرحعوت الخط باي مبلغ .. لكن الواضح ان الموظفين مختلفين جدا في معلوماتهم فيه اللي نفسه يساعد وفيه موظفه بتتكلم بطريقه ان هو ده اللي عندنا وانا المديره ومش حتعرف تعمل حاجه ومش ححولك لأي بموظف تاني..للأسف مافيش أي حاجه اسمها عميل loyal ولا marketing ولا customer service وفعلا ده قرار هما اللي اخدوه علشان انا اخيرا اغير الشركه واتعامل مع شركه تانيه اتمني تكون افضل".
