مرتضى منصور: الزمالك مش نادي أبويا

أكد مرتضى منصور رئيس نادي الزمالك (المعزول)، أنه انتظر حتى آخر مباراة أمام فاركو للتحدث عن كل شئ يخص النادي في مؤتمراً صحفيًا الخميس المقبل.

مرتضى منصور: الزمالك مش نادي أبويا ولا عيالي.. وأدعو الجميع للمشاركة في مؤتمر الخميس

وقال منصور في فيديو نشره عبر يوتيوب: أعضاء الجمعية العمومية لا يعاونون من أي أزمة، يوم الخميس سوف أتحدث عن كل شيء، أنا انتظرت حتى آخر مباراة أمام فاركو، ولكن يجب أن نتكلم ونُشرك الجماهير معنا، هذه مسئولية مشتركة، إدارة وجهاز فني ولاعبين وجماهير.

وأضاف: من حق الجماهير تزعل وتغضب، حضرتك عايز بطولات تمام، البطولات هتيجي إزاي بالصفقات، هنجيب صفقات بإيه بفلوس، فين الفلوس محجوز عليها والدولة حاجزة على الباقي.

وواصل منصور: يوم الخميس بدعوا الجميع للحضور، النادي ده لا نادي أبويا ولا نادي عيالي، الدعوة عامة، تعالى اشترك معانا في المسئولية وهقولك ناديك فين مش غير فتي بقى وتقولي اشتري بن شرقي بكام، هاتلنا إمام عاشور بكام.

وتابع: المؤتمر يعقد يوم الخميس في الثامنة مساءً، سأقوم خلاله بعمل مقارنة نكشف من خلالها صبرنا إلى أي مدى، مش هصطدم بالجمهور مش هعمل خناقة مع الجمهور، الجمهور ليه حق يزعل.

وأردف مرتضى منصور: الدولة منحت اللجنة المؤقتة 100 مليون جنيه، من فلوس كانت لي عند الشركة، وبعدها قرض 70 مليون ثم التعاقد مع شركة راعية بـ 400 مليون.

وأوضح: لعيبة رجالة واقفة على رجليها، وبالمركز الثالث منفردين، وده مش مركزنا بس هو نفس مركز الأهلي اللي واخد مليارات.

وأكد: أنا متبرع بـ 30 مليون جنيه من حسابي الخاص لنادي الزمالك، وده ردي على أي حد قال إني حصلت على عمولة، ولا يوجد شخص يتحدث باسمي، أنا من أقوم بالحديث والإدلاء بالتصريحات.

واختتم: ليلة مباراة الأهلي والزمالك شنط فلوس راحت للاعيبة الأهلي، عندي لاعيبة مقبضتش من 4 شهور دول أبطال، وأوسوريو بقاله شهرين أو ثلاثة مقبضش.