"فراخ بدمها وعروض وهمية".. مواطنون يحذرون من مطعم كرم الشام
حذر عدد من المواطنين من التعامل أو الأكل فى المطعم السوري كرم الشام ، بسبب سوء الغذاء بالإضافة إلي العروض الوهية على حد قولهم.
وقال أحد المواطنين عارضا مشكلته" دلوقتى انا ولاد اخويا كانوا عاوزين يكلوا من كرم الشام وقالبين الدنيا بسبب العروض بتاعته الى على الفيس واختاروا عرض من عندهم المهم اخويا ضرب المشوار لحد كرم الشام انبارح قالوا السيستم واقع ومش شغال ومش هيتعمل الاوردر الا عن طريق الكول سنتر قعد ساعة عند المحل يطلب فيهم محدش رد عليه وفى الاخر قالوله كده معاد العرض خلص المهم راحلهم تانى انهاردة الساعة ١٠ الصبح قالوه الخامات خلصت مش هنقدر نطلع العرض وهو اساسا لسه بيفتح والعرض على الصفحة شغال للاسف المطعم دا بيعمل عروض وهمية وبينشر اعلاناته فى كل مكان عشان ياثر على الكبار والصغار ويطلع اشتغالة فى الاخر".
وحذر مواطن آخر، قائلا" على فكره طعما مش حلو وكل الضجه والزحمه دى ناس لاول مره تجرب ملوش زبون اصلا والاكل سئ لدرجه متتوصفش، ورد مواطن آخر ،" لمطعم سئ وخصوصا فرع حلوان الفراخ كان بدمها والمدير قالي دي شعيرات الفرخه عك وقرف"
واستعرض مواطن آخر شكوته قائلا،" اشتريت منه بوكس اسمه ابن المعلم مكتوب ان فيه ٤ سنتدوتشات صغار وكانو حاطين صوره بوكس ينور ع البانر كده.. استلمت الاورد بعد ساعه وانا واقف ف عز الحر وانا الوحيد اللي كنت واقف مكانش في حد نهائي.. جيت افتح البوكس لقيت الساندوتش طول صباعي حرفيا".
وتابع آخر،" كانوا عاملين عرض وحاطينه على باب المطعم واحنا داخلين جينا نطلبه واحنا جوه الصاله قالنا دا للتيك اواى بس صاحبى كبرت فى دماغه قالى خلاص تعالى ناخده ونقعد ناكله على القهوة نزلنا الكاشير قالنا دا دليفرى بس كبرت فى دماغنا اكتر نخلينا وراهم روحنا القهوة وقولنا نطلبه دليفرى الكول سنتر قالنا دا فى المطعم بس وفى الاخر طلبنا من قزاز"
