مرتضى منصور عن انسحاب الأهلي من كأس النخبة: "مع السلامة والقلب داعيلك"
تحدث مرتضى منصور رئيس نادي الزمالك "المعزول" عن الفوز العريض الذي حققه الفريق الكروي الأول بنادي الزمالك على الاتحاد المنستيري التونسي برباعية نظيفة في المباراة التي جمعتهما أمس ضمن منافسات الجولة الأولى لدور المجموعات في البطولة العربية.
مرتضى منصور عن انسحاب الأهلي من كأس النخبة: "مع السلامة والقلب داعيلك"
وقال مرتضى منصور في تصريحات لقناة "العربية" الإخبارية، "سمعت أن الأهلي عايز ينسحب من بطولة كأس النخبة وأنا بقوله مع السلامة والقلب داعيلك، بعدين المسمى مش سوبر خالص، اللي عايز يقعد يقعد، واللي عايز يجيب بحة يجيب، واللي عايز يغيره يغيره".
وأضاف مرتضى منصور، "بحة لما ساب الأهلي الفريق بدأ يقع، لما كشفنا بحة الأهلي اتعادل مع حرس الحدود اللي في الدرجة الثانية وخسر بالرأفة من بيراميدز واتعادل مع المصري في أسوأ حالته.. واحنا بلاعيبتنا بس شوفتوا عملنا ايه، الأهلي عايز يتعاقد مع بحة جديد عشان القديم حلاص انكشف".
وتابع مرتضى منصور، "بحة دا حقيقي والدليل إنه بعد ما انكشف الأهلي معرفش يكسب ماتش، دا لعب حرس حدود درجة تانية، وبيراميدز غلبه 3 مع الرأفة، والمصري اللي لسة مغلوب من سيراميكا 4 مش عارف يكسبه، في الوقت بقى اللي الزمالك الحمد لله بلاعيبته مفيش حد اتغير فاز على الاتحاد المنستيري برباعية نظيفة، ربنا يبعد عننا بحة".
حسن شحاتة يقود حملة إنقاذ نادي الزمالك من مرتضى منصور
كشف الإعلامي أمير هشام، أن حسن شحاتة أحد أساطير نادي الزمالك، يقود حالياً حملة إنقاذ نادي الزمالك من أزماته الأخيرة.
وقال أمير هشام في تصريحات عبر برنامجه "بلس 90"، "في اجتماعات حصلت في الساحل الشمالي خلال الأيام الماضية بين حسن شحاتة وبعض من رموز نادي الزمالك، وحسين لبيب رئيس اللجنة المؤقتة السابقة لنادي الزمالك، بخصوص كيفية إنقاذ نادي الزمالك من الوضع الحالي خاصة على الجانب الإداري".
وأضاف أمير هشام، "حسن شحاتة وبعض رموز نادي الزمالك عندهم حالة من حالات اليأس، وبيسألوا الزمالك إلى أين؟، في ظل التخبط الإداري والإخفاقات وعدم الاعتراف بالأخطاء ومحاولة تصحيحها".
وتابع أمير هشام، "نادي الزمالك مخطوف بيديره شخص معزول واللي بيدفع الضريبة كيان الزمالك وجمهوره الوفي، النجوم القدامى دول بيتحركو دلوقتي وبيحاولوا البحث عن حلول لإنقاذ النادي".
"شكلنا بقى وحش ومحدش عايز يتحرك".. عمرو أديب يفتح النار على مرتضى منصور
شن الإعلامي عمرو أديب، هجومًا على مرتضى منصور، رئيس نادي الزمالك "المعزول" بسبب تصريحاته عن السحر والشعوذة وعن اللاعب إمام عاشور، والمنضم إلى صفوف النادي الأهلي مؤخرًا.
وقال عمرو أديب في تصريحات عبر برنامجه "الحكاية"، "هو مفيش حد في البلد دي قادر على مرتضى منصور.. مفيش حد يقوله عيب اللي بتقوله داخل نادي الزمالك، رايح جايبلى واحد يفك السحر بتاع بحه والله عيب".
وأضاف عمرو أديب، "مرتضى منصور جاب سيرة واحدة بالاسم إن إمام عاشور على علاقة بها، إيه التدني ده! ده نادي كرة تربوي؟ والأهم هو قاعد مع اللاعيبة ليه، اشرحوا لي قاعد معاهم بصفته إيه؟ هو بيشتغل إيه؟".
وتابع عمرو أديب، "هو مش في قضاء ولا دوره يقضي علينا ولا يمتثل للقضاء.. قاعد في الاجتماع يحدد من رئيس البعثة، ويقول أحمد ابني هيروح وأمير ابني متضايق، عقد الاجتماع بصفته إيه؟؟، عاوزين البلد دي فيها قانون ولا فيها مرتضى؟ هل الكلام اللي بيتقال ومتذاع ينفع أو شيء مقبول، هو مفيش حد في البلد دي قادر يكلمه أو يقول له التزم الأدب أنت جوا نادي الزمالك، شكلنا بقا وحش قدام الناس".
واصل الإعلامي عمرو أديب تصريحاته قائلاً، "محدش في البلد دي حاسس بحجم المصيبة! أنا بس اللي مجنون؟؟، مرتضى منصور كان نفسه يبقي مذيع وماسك الحديدة مش سايبها".
واستكمل عمرو أديب تصريحاته ضد مرتضى منصور قائلاً، القضاء عزل مرتضى منصور مرتين في حكمين مختلفين، متسائلا: بأي صفة يجلس مرتضى منصور مع اللاعبين"، مصيفا:"عاوزين البلد فيها قانون ولا عاوزين فيها مرتضى منصور، اسالوا مرتضى منصور فين حزب الإخلاص بتاع الكبدة؟".
