متابعة لطليقة تامر حسني: عايشة فى فيلته بالساحل ليه.. وبسمة: بقت بتاعتى دلوقتى
حرصت الفنانة بسمة بوسيل، الرد على أحد متابعيها بسبب بقائها في فيلا الفنان تامر حسني رغم طلاقهما.
وكتب أحد المتابعين على صورة بسمة بوسيل عبر "انستجرام" معلقة:"عايشة في فيلا تامر حسني في الساحل ليه؟ مفيش دم ولا كرامة دا مش بيت القاهرة ولا ولاد عشان يبقى بيت الزوجة دا بيت للمصيف في الساحل".
لترد بسمة بوسيل، قائلة:"الفيلا أصبحت ملكي يارب ميجلكش سكتة قلبية بعد ما عرفت".
وكانت ردت الفنانة بسمة بوسيل، على تصريحات الفنان تامر حسني، عنها بأنه يكن لها كل الاحترام والتقدير.
ونشرت بسمة بوسيل عبر حسابها الرسمي بموقع تبادل الصور والفيديوهات انستجرام عبر خاصية "ستوري"، قالت فيها:" يا تيمو انت كمان عندي زي ما أنا عندك، ربنا يوفقك في شغلك دائما".
وكان قد كتب تامر حسني عبر موقع تبادل الصور والفيديوهات انستجرام:" ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، أولًا مش أنا اللي ممكن أعمل كده ورغم الظروف الحالية.. مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر".
وأضاف تامر حسني:" تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغانيا بتغنوها وإحساسها واصلكم".
وتابع:" لأني بتعب عشان أكتب الكلام اللي نفسكم تقولوه إنتوا، ده لسة في أغاني توجع أوي نازلة قريب إن شاء الله.. كده مش هنزلها".
