أسرة الطفلتين ضحية حادث دهس شبين القناطر:"مش بنام من يوم الحادثة وعايزين حق بناتنا" (فيديو)

شهدت شبين القناطر بمحافظة القليوبية واقعة مأساوية حيث لقيت فتاتان مصرعهما ولفظا انفاسهما الأخيرة بعدما صدمتهما سيارة نقل يقودها طفل متهور.

وقالت أسرة الضحايا في تصريحات لـ"مصر تايمز":"عايزين حق بناتنا مريم وليلى أحنا مش مصدقين أن بناتنا ماتوا.. واللي قتلهم لازم يتعاقب هو وأبوه".

وتابعت والدة ليلي:"بنتي كانت رايحة الصيدلية تشتري علاج لجدتها وهي خارجة من الصيدلية صدمتها السيارة.. رنيت على بنتي ما ردتيش عليا وفي واحد  رد عليا قالي بناتك عاملين حادثة على الترعة وماتوا وتعالي شوفيهم".

وأضافت:"المتهم دهس على البنات بعد الاصطدام بالسيارة المحملة بالزلط.. أنا عايزة حق بناتي من الاب قبل الابن الطفل عنده 15 سنة وبنتي عندها 16 سنة وكانت نفسها تدخل كلية سياحة وفنادق وكانت هايزة تطلع مضيفة طيران".

والتقطت والدة مريم أطراف الحديث قائلة:" البنات ماتوا مكانهم ولبسوهم الأكياس السودة قبل مايروحوا المستشفى، الطفل دهس على الطفلتين بدون رحمة بعد صدمهم.. احنا مابنمش من يوم الحادثة عايزين حق بناتنا".

وقال والد مريم: " الطفل بعد لما دهس الطفلتين جري بالسيارة والأهالي تتبعوه ومسكوه، احنا عايزين القصاص للاب والابن ".