فتاة البحيرة لـ"مصر تايمز: "حماتي وجوزي كدابين.. وكنت حامل وسقطوني"
أثارت واقعة "فتاة البحيرة" والذي تدعى مُنى جدلًا واسعًا عبر مواقع التواصل الاجتماعي، وجلعت المتابعين والقراء في حيرة شديدة بحثًا عن الحقيقة هل الزوجة كاذبة أم الزوج هو من يدعي بالفعل أنها تحمل صفتي الذكر والأنثى.
فتاة البحيرة لـ"مصر تايمز: "حماتي وجوزي كدابين.. وكنت حامل وسقطوني"
وردت مني على ادعاءات زوجها في تصريحات خاصة لـ"مصر تايمز": أنا اتفاجئت أن جوزي بيقولى أي دا وأى جسمك دا أنتي راجل؟!.. هنا اتصدمت ومكنتش فاهمة بيتكلم عن أى ولكنه قالي أن فيه زوائد جلدية في الأعضاء التناسلية عندي.. قولتله أني عملت عملية وأنا طفلة وأن دي حاجة مخلوقة بيها وسهل إزالتها بعملية جراحية بسيطة".
وتابعت:"مكنتش فاهمة فيه أى بيتكلم عنه ولكن هو قالى أنا هكلم أهلك دلوقتي كلهم وهدفعهم اللي وراهم واللي قدامهم ويعملولك هما العملية عشان الناس دي غشوني وضحكوا عليا..ووريته تقرير طبي ليا من وانا 9 شهور وطفلة واتعملي العلمية دي ودا عيب خلقي وانا راضية وربنا خلقني بيه".
وأكدت أن زوجها لم ينفصل عنها وظلت في منزله طوال 7 أشهر هي مدة زواجها منه، كما أنها حملت منه وتعرضت للإجهاض بسبب اعتدائه عليها بالضرب المبرح:"حصلي إجهاض بسبب زوجي.. حملت منه وأجهضني بسبب ضربه ليا.. وشغل البيت بتاع والدته.. أنا ما عملتش حاجة غلط.. ولا عيب ولا حرام.. ودي خلقة ربنا بسبب القرابة.. أهلي فضلوا 7 شهور يصرفوا علينا.. وتكفلوا بمصاريف عملية توسيع للمهبل".
وكشفت:"والدة جوزي قالت لي: خلي أبوكي يدفع لأبني 70 ألف جنيه تمن العفش وأنا هسيبه يعيشك.. كل هدفهم الفلوس وكانوا داخلين على طمع.. وكان بياخد فلوس كل حاجة من أهلي.. أنا اتبهدلت كتير ودخلت في حالة اكتئاب ونفسيتي تعبت.. واللي حصل معايا مش شوية.. وبطالب بالكشف الطبي عليا عشان اكشف كدابه".
وكان قد استغاث الشاب "يسري" شاب يقيم بمحافظة البحيرة، بعد تعرضه لصدمة لا يتحملها أحد ولكن من الله عليه بالصبر في تلك اللحظة وتحمل رؤية زوجته واكتشافه بـ ليلة الزفاف أنها رجل مثله وكان يدعى محمد ولكن بعد عملية التحويل قامت أسرته بتسميته “مني” وتحمل صفتي الذكر والأنثى، كما اكتشف الشاب ذلك بعد مرور عامين على خطبته لتلك الفتاة.
وقال الشاب يسري في تصريحات خاصة لـ"مصر تايمز": أنا خطبتها لمدة سنتين وكنت بسافر بحكم شغلي ويوم أجازتي بروح أزورها بس أهلها بيبقوا قاعدين على قلبي مش بيسيبوني خالص وبيقعدوا معانا ومش بيدونا فرصة نتكلم ومكنتش فاهم السبب ومكانوش بيسيبونا نخرج سوا خالص زي أ اتنين مخطوبين".
وتابع:"بعد الفرح وروحنا البيت أكتشفت أنها راجل زي ولما بدأت اعصابي تنهار وأسألها أي اللي فيكي دا كان كلامها أنا ربنا خلقني كدا ..اكتشفت أنهم ضحكوا عليا وخدعوني.. وأن لما كنا مخطوبين كانت بتلبس سيليكون وعبايات وفساتين عشان مكتشفش أنها راجل".
وأضاف الزوج في استغاثته لـ"مصر تايمز" أن أسرة زوجته خدعوه وأن زوجته لها عضو ذكري مثله ويفسروا له ما بابنتهم قالوا له إنها تحتاج إلى عملية بسيطة:"أحنا خبينا عليك عشان كدا بنتنا مكانتش هتتجوز وأنت متعرفش تعمل معانا حاجة".
واستكمل:"أنا اكتشفت خلال ما كنت بحاول زأوديها للدكاترة أنها كانت عملت عملية تحويل من 5 سنين عشان تتحول من راجل لست ولما روحت السجل المدني أكتشفت أن اسمها كان محمد وبعد كدا سموه مني".
وأكد الشاب أنه حاول علاجها وسافر بها لعلاجها وأنفق عليها مصاريف طائلة وغرق في الديون بعد اكتشافه الأمر وطالب المسؤلين بمساعدته وايجاد حل له لجلب حقه من زوجته الذكر ومن أسرتها وطالب بتوقيع الكشف الطبي عليها ليثبت حقيقة صدقه وأنه خدع فيهم.
