فيدرا عن مصلي السيدات: "ليه بيكون زي باب المطبخ"

نشرت الفنانة فيدرا، مقطع فيديو لها تعلق فيه عن استيائها من حجم وتصميم مصلى السيدات في المساجد، عبر حسابها الشخصي على موقع تبادل الصور والفيديوهات "إنستجرام".

فيدرا عن مصلي السيدات:" ليه بيكون زي باب المطبخ"

ونشرت فيدرا ، قائلة:" انا عندي سؤال.. انا طبعا عارفة ان في المسجد الستات بتصلي بعيد عن الرجالة وبنبقى منفصلين بس هو السؤال اللي مش لقياله اي رد هو ليه دايما المصلى بتاعت الستات بيبقى صغير ومكتوم".

وتابعت: "ومتقفل بحواجز ومدخله جانبي زي ما يكون باب المطبخ.. احنا ليه بنتعامل كدا، احنا ليه كستات رايحة تصلي في الجامع بنتعامل معاملة المواطن الدرجة التانية، ليه المصلى بتاعنا ميكونش يشرح ويكون مدخله حلو وجميل زي مدخل مصلى الرجالة، ليه دا مش متحقق للست".

ومن جانب آخر، كشفت فيدرا عن سبب اعتذارها عن مسلسل وسط البلد، وقالت في لقاء لها: سبب اعتذاري عن الاستمرار في مسلسل وسط البلد لأن كل حد له ترمومتر إمتى أوقف وإمتى أكمل، وأنا خروجي من المسلسل كان مع الجزء الأول من العمل.

تابعت:" لأن لما تكون حاجة كويسة بتبقى عاوزة تخرجي منها وهي لسه كويسة، وزملائي وأنا كنا زعلانين مع نهاية الموسم الأول، فيه فرق بين مسلسل 30 حلقة ومسلسل مكمل طول السنة زي وسط البلد، التركيبة دي ما كنتش هعرف أكمل فيها سنة تانية وتالتة.