بيعملوا معانا كده يبقا العميل هيعملوا فيه إيه.. مسئولى تسويق عقارى يحذرون من مشروعات شركة بالم هيلز
حذر عدد كبير من مسئولى شركات التسويق العقارى من التعامل مع شركة بالم هيلز للتطوير العقارى أو الشراء من وحداتها بسبب عدم التزام الشركة بكلمتها ووعودها ، على حد قولهم .
وأوضح أصحاب الشكوى والتحذير إنه خلال افتتاح شركة بالم هيلز للتطوير العقاري الأسبوع الماضي البيع في مشروع Hacienda west ، قامت بإلغاء التعامل مع شركات التسويق العقاري وإلغاء تسكين عملاءها لحين انتهاء الشركة من تسكين عملاءها المباشرين ، مما تسبب في إلحاق الضرر وخسائر بمئات الآلاف لكافة شركات التسويق العقاري والتي قامت بالتسويق علي مشروع Hacienda west .
وبناء على هذا التصرف مسئولى شركات التسويق العقاري دعوا لوقف التعامل نهائيا في أى مشروعات حاليه أو مستقبلية مع شركه بالم هيلز ، وفي ذات السياق ذكر أحد المسوقيين العقاريين ويدعي محمد ناصر علي موقع التواصل الاجتماعي الفيس بوك المشكله قائلا:اللي حصل النهارده من بالم هيلز في لونش Hacienda west كارثة بكل المقايس و انا الصراحة فرحان في اللي اشتغلوا و انا منهم لان بصراحة احنا مهزئين لما كلنا عارفين ان السايلز هناك بيقلك لو عايز تضمنها هتدخلها ambassador و احنا نوافق نشغل حملات و نبيع يبقي نستاهل علي فكرة يا حلوين الشركات الكبيرة بتقفل بروكر و هتشوفه لسه ماونتن فيو اللي عملت بيان اقل ما يقال عنه ان بيقلل من شكلكوا و حتي موضحش ان البروكر المحترم اللي بيتكلم باسمنا و بيقول انه بروكر المنتح اللي هيبعهولاك هوا هوا لانه عارف انه مش حقيقي و هيسكن دايركت و لو يقدر يسكنه كله دايركت هيعمل كده في النهاية ده سوق و لو يقدر يوفرله 4٪ من مبيعات اللي بالمليارات هيوفر ".
وتابع “ القوة معانا احنا لازم يبقي فيه واقفة حتي لو الشركات الكبيرة مش فاهمين و بيطلعوا يدعموا البيانات اللي من النوع ده احنا كجروب هنا و كمجتمع بروكر لازم نعرف المطور اننا لو غضبنا عليه مش هيبيع بارقام”.
وعرض مسوق عقارى أخر مشكلته قائلا “ انتوا زعلانين ليه من بالم هيلز ولا غيرها لما تبيع وتشتري فيكو مش انتوا اللي رخصتوا نفسكوا مش انتوا اللي لما شركة بتعاملكوا بقلة قيمة بتسكتوا وكأن الرزق بإيدبهم مش انتوا اللي طلعتوا كاش باك وخليت الشركات تسترخصكم ومش انتوا اللي بتتعاملوا زي الحراميه وهما كأنهم ظباط مباحث متزعلش منهم هما لقوك رخيص و موافق بأي حاجة مقابل القرش فعاملوك معاملة العبيد وقالولك بمزاجنا طول ما في البروكر ناس الجنيه قيمتها عمرنا ما هيكون لينا كلمة”.
