لحظات رومانسية تجمع بسنت شوقى ومحمد فراج فى عيد ميلادها

نشرت الفنانة بسنت شوقى، عبر موقع التواصل الاجتماعى"انستجرام" صور احتفالها بعيد ميلادها مع اصدقائها المقربون والعائلة، قائلة: "بوست طويل شوية معلش استحملونى، مع انى بحب جدا و بفتخر انى برج القوس (بحذافيره) الا انى من وانا صغيرة مش بحب اوى عيد ميلادى، مش عارفة ليه.

وقالت" يمكن عشان واحنا صغيرين او حتى ايام الجامعة كان بيب وقت اجازة نص السنة و كله بيبقى بيذاكر عشان الامتحانات فمش بعرف احتفل اوى يعنى، او يمكن عشان فى الشتاء و انا والشتاء مش حبايب (غالبا لفترة وجود شمس - و انا الشمس عندى مهمة اوى اوى يعنى) او يمكن عشان احنا العيلة كلها برج القوس (داليا 26/11 ، ياسمين اختى التانية6 /12 ، مامى 11/12،  و ابويا21/12) عيد ميلاد لعيد ميلادى بتكون فكرة الاحتفال بعيد الميلاد شوية والتلاجة فيها بواقى 3 تورات مثلا - لا جديد يعنى).

واستطردت" أو يمكن عشان انا طموحة اوى وبحس ان ادى سنة من عمرى كمان عدت ولسه محققتش اوى اللى نفسى فيه (كئيبة شوية انا عارفة) ... زاد على ده بقى لما دخلت التمثيل ان ديسمبر هو وقت التس ...يعنى سيزون رمضان اغلبه بتتسكن فى ديسمبر ، القاهرة مرة ثانية ، وهكذا ... فلاط لأول مرة احس ، المشاعر اللى فوق ده كان بيسببلى ، لأول مرة احس ، بالحب اوى كدة ، حب اكبر واشمل احذر انه يحتوى ويهّدى ويحمينى من كل الخوف والارق والاكتئاب والتساؤلات اللى جوايا مع مرور سنة وقدوم سنة جديدة، شكرا لكل واحد واحتفل معايا.

وقالت "ايضًا شكرا لأنى شفت الحب فى عينيكم ، شكرا عشان غيرتم وجهه نظرى فى عيد ميلادى ، وشكرا لكل واحد عشان شاركوا في حياتنا الشخصية أو فى ورش التمثيل في التمثيل اهلى، نعرف قلوب بعض من بعد من كتر ما شفنا نقاط ضعف ومخاوف الآخرين) و اخيرا ، شكرا اوى اوى لمحمد على المجهود الجبار فى وقت قياسى ووقت انا وهو مزنوق فيه قد ايه..شكرا انك عرفت تجمع ناس حقيقى عزاز على قلبى شكرا حبيبى ، ربنا يخليك ليا بحبك،  انا عارفه انى ابان قوية وكدة بس اللى بيعرفني عن قرب بيشوف الحقيقة ، شكرا انكم سمحتولى ابين حقيقتى وانا متطمنة وشايلة الدرع اللى بحمى بيه نفسى بحبكم كلكم اوى ️البسكوتة المقرمشة".