إخوانى وأنا بكرهه.. نجم ذا فويس كيدز يهاجم والده بعد تراجعه عن قرار اعتزاله

أثار خالد الفايد ، نجم ذا فويس كيدز الجدل بمنشور كتبه عن والده عبر صفحته الشخصية على مواقع التواصل الاجتماعى “ وقال فيه إنه يكره والده بشدة” وإنه عانى معه فى طفولته حيث تعرض للضرب والحبس والإهانة على يد والده على حسب قوله.

وبعد الهجوم الذى تعرض له خالد الفايد من متابعيه بسبب ما قاله عن والده ، عاد الفايد لينشر منشور آخر قال فيه " ابويا رافع عليا قضيه عايزني اصرف عليه بعد ما صرفش عليا كل السنين اللي فاتت ..يرضي مين دا ؟ مارس عليا كل طرق الارهاب النفسي وعذبني وضربني وانا صغير ومصرفش عليا وجاي يرفع عليا قضية نفقه وعايزني اصرف عليه …منك لله اخلاق السلفيين والاخوان اهي

وكان المطرب الشاب خالد الفايد نجم برنامج ذا فويس كيدز قد أثار الجدل بعد قرار عودته للفن والغناء مرة أخرى بعد قرار اعتزاله وذلك بعد نشره تعليق على مشهد لبنت ترتدى الحجاب.

وقال خالد الفايد،" من 5 دقايق بالظبط لقيت بنت صغيره عندها حوالي 3 او 4 سنين ..للاسف البنت الصغيره واقفه وابوها ملبسها حجاب مغطيها من فوقها لتحتها للاسف البنت فاقده للبسمه وجمال الطفوله .. هما حرين يعملوا اللي عايزينه محدش يقدر يفرض عليهم حاجه بس والله منظر البنت متعب نفسيا بدال ما ياخدها يوديها الملاهي ويخرجها ويضحكها ويلعب معاها ملبسها حجاب من فوقها لتحتها والبنت واقفه باصه ف الارض وهو لابس بنطلون وقميص وعايش حياته ومنكد ع البنوته الصغيره وبيستغربوا ليه بناتهم بيطلعوا معقدين نفسيا ومشوهين فكريا !!ربنا معاكي ي بنتي والله".

وقال خالد الفايد بعد تعرضه للهجوم بسبب هذا المنشور" أنا شلت كل اللى تفكيرهم ارهابى من عندى".