عمر كمال يحيي حفلاً غنائياً ضمن احتفالية "التراث المصري" بكندا

أعلن المطرب عمر كمال، عن حفل جديد يومي 25 و26 من أغسطس الجاري، ومن المقرر أن يقام  في كندا، ويعد المهرجان ضمن احتفال بالتراث المصري بكندا، عبر موقع تبادل الصور والفيديوهات "انستجرام".

عمر كمال يحيي حفلاً غنائياً ضمن احتفالية "التراث المصري" بكندا

علق عمر كمال عن الحفل قائلا: "سعيد اني هقابل كل أحبابي في كندا و بتشرف بتمثيل بلدي مصر ، وأني جزء من أكبر مهرجان للاحتفال بالتراث المصري في كندا، هستنى كل الجالية المصرية والعربية نغني وننبسط سوا ان شاء الله" .

طرح النجمان عمر كمال وحسن شاكوش أحدث أعمالهما الغنائية بعنوان "في داهية"، التي تم طرحها بطريقة الفيديو كليب، وتعد أغنية "في داهية" من كلمات إسلام المصري ومحمد حسني، ألحان عمر كمال وناصر بيتس، وتوزيع إسلام ساسو، والكليب من إخراج أشرف رمضان.

عمر كمال يهاجم تقنية الذكاء الإصطناعي: "استحالة البلاستيك يبقى زي الحقيقي"
 

علق مطرب المهرجانات عمر كمال، على تقنية الذكاء الإصطناعي، التي أثارت الجدل خلال الأيام الماضية، وذلك بعد إعلان عمرو مصطفى إعادته تقديم أغاني كوكب الشرق  أم كلثوم عن طريق الذكاء الاصطناعي.  

كتب عمر كمال عبر صفحته على موقع التواصل الإجتماعي “الفيسبوك” قائلا:" طب لو افترضنا إن فيه برنامج، عرف يجيب صوت أم كلثوم مثلا وده مش هيحصل أصلا، لأن ده صوت نازل بالجودة بتاعته من السما ملهوش بديل.. هتجيب إحساسها منين ووجعها، وهي بتقول وعايزنا نرجع زي زمان قول للزمان ارجع يا زمان، هتجيب منين الشموخ والكبرياء اللي في صوتها وهي بتقول بدي أشكيلك من نار حبي، بدي أحكي لك على اللي في قلبي، وأقولك على اللي سهرني، وأقولك على اللي بكاني وأصورلك ضنا روحي وعزة نفسي منعاني".

وتابع:" صوت الإنسان عبارة عن إحساسه، وتجارب حياته اللي عاشها كل ده بيصنع صوته، وملامح صوته استحالة أي حد مش برنامج، بس يعرف يجيب إحساس حد أو حتى عوربة حزن أو إحساس جملة قالها الصوت الحقيقي، الذكاء الاصطناعى حلو جدًا للموزعين والملحنين هيخليهم يبيعوا شغل كتير بجد".

وأضاف عمر كمال:" لأنه ممكن يبعت للمطرب أو المطربة أغنية خلصانة كلام، ولحن وتوزيع متغني بالذكاء الاصطناعى، بصوت بلاستيك قريب من صوته، فالمطرب هيشوف نفسه في الموضوع على طول، وهيعرف أن الأغنية بتاعته، ولايقة عليه جدًا، وبدال ما يقول للموزع أو الملحن سيبني كام يوم، أشوف فيها نفسي وأجرب صوتي عليها، هيقوله الأغنية بتاعتي على طول لأنه شاف نفسه فيها.. لكن إن الذكاء الاصطناعي يعمل نجم، استحالة البلاستيك يبقى زي الحقيقي".