هاجمت الشيخ الشعراوى وشعرها مش أول أزمة.. أسما شريف منير بتحب تركب التريند
تصدرت أسما شريف منير ابنه الفنان القدير شريف منير التريند بعد ظهورها حليقة الرأس على الزيرو مؤخرا ، لتقوم أسما بالرد على منتقديها.
وقالت أسما شريف منير، "اولًا الحكاية جت بالصدفة جداً وكان قرار لحظي وانفعالي جداً ومش ندمانه عليه، تاني حاجة انا مش بعمل كدهعشان اطلع ترند بس كنت عارفة اني هبقي ترند، في فرق كبير بين عايزه وعارفة، على فكرة الترند ده نقمه مش حاجة حلوة خالص بس مشهدخل في الجدل ده دلوقتي"
وتابعت :"تالت حاجة انا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانهتفاؤل وقوة وارادة وتحدي وجرأة وشجاعة وكل حاجة ايجابية في الكون، انا فعلاً من فترة كنت بمر بمرحلة صعبة جداً بس كنت في رحلةبقالي شوية بتعافي منها وبقف على رجلي من الاول وكان اخرها رحلة دهب، وبالعكس ده مش اكتئاب ده مرحلة انتقاليه مؤمنه اني هحققفيها حاجات كتير".
وقالت " اخر حاجة الجماعة اللي مكبرين الموضوع (ده شعري مش شعرك) حاجة كده بجد اخيرة (انا عاجبني شكلي جداً بصراحة، شكلهجامد ومديني ثقه في نفسي جداً) بحبكم اوي بجد".
أزمة شعر أسما شريف منير ليست الأولى التى تجعلها تتصدر التريند فقد سبقها موقف الشيخ الشعراوى عندنا طلبت من متابعيها علىصفحتها بموقع "فيسبوك" ترشيح عدد من أسماء المشايخ الذين يثقون بآرائهم وفتواهم نظراً لعدم ثقتها بأغلب الدعاة الذين تعرفهم، ليقترحعليها العديد منهم اسم الشيخ محمد متولي الشعراوي.
وهاجمت "أسما" الشيخ الشعراوي قائلة: "طول عمري كنت بسمعه زمان مع جدي، الله يرحمه، ومكنتش فاهمة كل حاجة، لما كبرت شفتكام فيديو مصدقتش نفسي من كتر التطرف، كلام فعلاً معرفتش أستوعبه، حقيقي استغربت، وهدورلكم على الفيديوهات اللي خلتني أبطلأشوفه".
ولاقت تصريحات "أسما" عن الشيخ الشعراوي نقدًا من قبل رواد مواقع التواصل الاجتماعي باعتباره إمام الدعاة، وأفنى عمره في سبيل الدعوة، حتى إن والدها الفنان شريف منير خرج في فيديو عبر حساباته الرسمية على مواقع التواصل الاجتماعي وطالب متابعيه بمسامحتها، وأنها لم تقصد الإساءة بالمرة للشيخ الشعراوي.
ثم خرجت "أسما" بعدها للاعتذار في بوست نشرته على صفحتها بموقع "فيسبوك"، قائلة: "حصل بيني وبين شخص حوار أسأت فيهالتعبير عن اللي عايزه أقوله وحاسّاه، اتفهم كلامي على إني أنتقد فضيلة الشيخ متولي الشعراوي، أنا بتكلم من غير ما بحسب كلامي، وأنامقصدتش بأي حال من الأحوال إني أغلط أو يوصل كلامي بشكل غلط كده".
وتابعت: "وأنا بعتذر جداً جداً عشان لم أستطع أن أحسن التعبير واختيار الكلمات الصحيحة، وده يمكن عشان لسه بتعلم، وده عن عدمإدراك، أنا لسه بتكلم على طبيعتي زي أول يوم قررت إني أظهر على السوشيال ميديا، بس دلوقتي لازم آخد بالي من كل كلمة بقولها عشانكل حاجة بتتحسب عليا وده جديد عليا".
أما الموقف الثالث لـ أسما الذى جعلها تتصدر التريند عندما فاجأت أسما شريف منير متابعيها بإلغاء متابعة والدها عبر مواقع التواصلالاجتماعي دون كشف الأسباب، حيث نشب بينهما خلاف، وقام والدها بالتراجع عن موقفه مقدمًا اعتذارًا لها، مهديًا لها أغنية الفنان مدحتصالح "أجمل بنوتة".
لترد بعدها "أسما" على اعتذار والدها قائلة: "هي دي تقريبًا علاقتي أنا وأبويا، ناقر ونقير، أبويا برج الثور وأنا برج الحمل، الاتنين طيبينبس سخنين ومتسرعين، عايزة أحكي لكم على موقف مهم جدًا وأثر فيا".
وأضافت: "أبويا عمل حاجة إمبارح علمتني حاجات كتير أوي، للي ميعرفش كان فيه سوء تفاهم كدا وكنت زعلت شوية منه، فجأة لقيته منزلفيديو عنده على الإنستجرام بيطيب خاطري وبيقولي متزعليش قدام كل الناس، طبعاً أنا كنت طايرة من الفرحة ونسيت أصلاً إني كنت فييوم زعلانة لأنها حركة في منتهى الجمال والحنية والطيبة، وكمان علمتني كتير أوي وده اللي خلاني أحكي الموضوع".
وتابعت: "اتعلمت إن الاعتذار بيكبر الواحد جدًا عمره ما يصغره، الكبرياء اللي يخلي حد فاكر إنه لو ما اعتذر هو كده جامد ده كلام فارغ،علمني إني لما أزعّل بنتي أعتذر لها لو فعلا غلطانة، علشان عرفت قد إيه بيفرق في النفسية، ومش علشان إحنا أهل يبقى مش وارد إننانغلط".
