ريهام تنشر صورة لها أيام الطفولة: "اتربينا علي حسن معامله الحيوانات"
السبت 19/ديسمبر/2020 - 05:04 م
قامت الإعلامية ريهام سعيد، بنشر صورة لها بصحبة والدها عبر موقع التواصل الاجتماعى "انستجرام" قائلة "الصوره دي من ٣٥ سنه في انجلترا، احنا اتربينا علي حسن معامله الحيوانات و البشر ابويه و امي للأسف ربوني أنا و أختي علي الرحمه و الطيبه و الأدب و بقول للأسف لان أنا و أختي ياما اتعرضنا ووقعنا في مشاكل بسبب الطيبه و الأدب و الجدعنه و اي حد تعامل معانه عارف كده.
كما قالت: انا سكت كتير بس مش قادره طبيعي لما تكون حد مشهور إنك تتعرض للإنتقاد او تتفهم غلط لان محدش يعرفك شخصيًا و طبيعي إنك تعتذر لجمهورك لان هو الي عملاك و فضله عليك بعد ربنا حتي لو مش غلطان، والصادم في الموضوع الناس الي تعرفني و تعر فني كويس عارفه بيتي و اهلي و تربيتي و شخصيتي أصحابي وقرايبى وحتي زملائى، وعلي سبيل المثال في ست بيني و بينها مش هاقول صداقه لكن علي الأقل معرفه و عيش و ملح اكتر من عشرين سنه الست رينه على أنها ممكن تهاجمني في التليفون تعاتبني او حتي تشتمني لو شايفاني غلطانه البوست بيتحط من الغريب عشان يوصل صوته او عشان يضرني أنتي حطيتي بوست ليه؟ أنتي ولا الي تعرفني شخصيًا.
كما وضحت الست دي جوزها عنده عربيه كبده بيبيع ساندوتشات انا مش بسخر لان اي شغلانه شريفه و حلال فهي نعمه أنا قصدي انه بيبيع لحمه يعني بتتدبح مشيين هي و جوزها عشان تاخد البوست و ماشفتش حاجه و لا فاهمه حاجه هاتقولوا صيد الخيالات البريه حلال و بعدين احنا مش بنتكلم في حلال و حرام دي بتقول ان روح التعلب هاتختصمني يوم القيام به مع ان التعلب مماتش، ولا حصل له اي حاجه غير من 60 سنه الصيادين قالوا انهم بيصطادوا التعلب بانهم بيقفلوا علي رجليه زي ما بتصطاد الفار و المصيده بتقفل علي ديله هل ده تعذيب؟ ما علينا.
و أيضًا الست دي عارفه اني تقريبا بقالي ٤ سنين مش بشتغل و شافتني بعد ٥٠ يوم سجن و انا مهلهله و بحاول اقف علي رجلي، الست دي عارفه ان عندي مسؤليات ماديه رهيبه و تعرف ان البيت الي حوشا عشانه ١٥ سنه من شغلي رجعته الشركه الي هي بتشتغل فيها عشان معرفتش اكمل اقساطه.
ووضحت ايوه اهلي ميسورين الحال لكن انا بحب اعتمد علي نفسي و عيب بعد كل ده اني اروح اطلب من اهلي أو جوزي الي ملوش ذنب في مسؤوليه اولادي ساعدوني كتير، الست دي تعرف اني بعد سنه وقف بستجمع كل قوتي عشان اقف علي رجلي المره العاشره و عارفه قد ايه انا اتظلمت و عملت ايه في حياتي و ضحيت بايه عشان اسعد غيري، الست دي صعب عليها التعلب في صوره مفبركه و مصعبش عليها ولادي لو شغلي وقف، صعب عليها التعلب الي أنا متاكده انه لو عض بنتها او اموتها هاتقتله.
فى سياق أخرروجت ريهام، لمسلسل "وادي الجن" ، عبر نشر بوستر المسلسل، عبر حسابها الرسمي بموقع "إنستجرام"، ظهرت فيه بمكياج مرعب، وعلقت : "قريبًأ".
والمسلسل من تأليف منة إكرام، وعمر خالد، ومحمد هشام عبية، وبطولة مجموعة من الفنانين الشباب، يوسف عثمان، ليلى أحمد زاهر من مصر ومحسن منصور من السعودية، ورؤى شنوحة من لبنان، والنجوم خالد كمال، فراس سعيد وريهام سعيد، علا رامى، إلى جانب شمم الحسن من العراق، عبد الرحمن اليمانى من السعودية، سينثيا خليفة من لبنان والوجوه الشابة هنا داوود وحسن مالك.
