حسن فؤاد: أغلب الاصوات الموجودة دلوقتي على قدهم .. وآمال ماهر محدش يغني زيها

حسن فؤاد:' مطرب سوبر ستار خد دعاء أغنية البندقية للعندليب وسجلها بصوته من غير احساس.. والأذواق دلوقتي اختلفت

تحدث الفنان حسن فؤاد عن رأيه في الاصوات المصرية حاليا :'   أغلبهم صوتهم على قدهم ونطلع منهم كام واحد بس وهما عارفين كده كويس، يعني لما اروح اجيب أغنية البندقية لعبد الحليم حافظ والاقي واحد واخد الدعاء الاخير ومسجله ستديو يا بني انت مش واخد بالك ده عبد الحليم حافظ؟"

تابع  حسن فؤاد خلال تصريحاته بإحدى البامج : “عبد الحليم زي ما قال مجدي العمروسي متصدقهوش غير وهو بيغني، الغنوة دي ضخمه جدا وعبد الحليم حافظ كان عنده خبرة كافية ، انت هتجيب مشاعرة منين ؟ ، هتجيب خبرة عبد الحليم منين ؟ ، أنا بكلمك على مطرب بيتقال عليه سوبر ستار كان بيغني معايا كورال في يوم من الأيام فوجئت أنه واخد الدعاء بتاع البندقية ومسجلها ستديو لا”

ووجه حسن فؤاد للمطربين بشأن الأغاني الوطنية:' ارجوكم ابعدوا عن الاغاني الوطنية عشان خاطري، ممكن في الحفلات نغنيها لكن تخش ستديو وتغنيها وتفرضها على الناس الاحساس ميت.

وتحدث حسن فؤاد عن رأيه في المطربة آمال ماهر :' امال ماهر أنا حضرت ولادتها وعمار الشريعي قالي  تعالى هاخدك يا حسن  اسمعك صوت ولما سمعتها قلتلوا ايه ده يا أستاذ ده محدش يغني زيها غير أم كلثوم بس، قالي أنا خايف اقول كده يقولوا الراجل اتجنن، عمار الشريعي نفسه قال كده وآمال ماهر خسارة كبيرة جدا، من أهم الاصوات اللي طلعت في التسعينات لحد وقتنا هذا متقارنش بحد كصوت ، عندنا انغام بونبونايه جميلة وشيرين جميلة ، ومي فاروق جميلة بس امال ماهر في حته لوحدها".

https://fb.watch/mGcZfpo0A7/?mibextid=Nif5oz