فين نخوة الرجالة.. شيماء سيف تنتقد ملابس البنات فى الصيف

عبرت الفنانة شيماء سيف عن رفضها لحالة العرى على حد وصفها لملابس البنات فى الصيف.

وقالت فى منشور أعادت تدوينه نقلا عن شخص آخر " خلاص الصيف بيخلص لكن للأسف آثاره مكملة..طول عمرنا بنطلع على البحر ونشوف اشكال والوان مايوهات ..لكن السنة دي العري فاق الوصف .. المايوه بقي يتلبس في كل مكان مش على البحر بس.. توب المايوه ( اللي في نظري جزء من الملابس الداخلية ودة اكثر وصف مؤدب اقدر اقوله) توب المايوه بقي اللبس الرسمي للبنات وفوقه كاش مايوه بيبين اكثر ما بيستر.. هي البنات دي ما لهاش اب او زوج او اخ قلبهم ياكلهم عليهم والدم يجري في عروقهم؟؟؟.. 

وتابعت" فين نخوة الرجالة.. فين حياء البنات.. والمصيبة ان كل الاعمار وكل الأحجام مش بتفرق.. الموضوع زاد اووووى.... الغلط غلط ولو كل الناس عملوه .. الغلط غلط ولو اصبح عادة الكل..حفضل اقول دة غلط حتى لوكنت لوحدي اللي بقوله..

وقال المنشورـ" العري مظهر من مظاهر التخلف الفكري واللي فاكر انه تحضر ماشي وراء القطيع بدون وعي.. فين الحياء والعفة والخجل والخصوصية؟؟؟ بالنسبة للى عنده اولاد  صغيرين و بيسالوا 'هى ليه البنت دى لابسة كده يا ماما' ؟كل شئ بقي مباح كدة للناس كلها؟ربنا يستر علينا جميعاً و يهدي البنات و الاولاد و ويشوفوا الغلط غلط مهما كترربنا أرنا الحق حق وارزقنا اتباعه وأرنا الباطل باطل وجنبنا اتباعه