مش أول مرة يعمل كده فى المصريين.. مفاجأة جديدة فى واقعة "أمير منير" صاحب أبلكيشن العمرة بـ 4 آلاف جنيه
أثار شخص يدعى أمير منير خلال الساعات القليلة الماضية الجدل بعد أن أعلن عن إمكانية العمرة بمقابل مادى يصل لـ 4 آلاف جنيه من خلال أبلكيشن ، مما جعل الكثيرين يطالبون النائب العام بالتدخل.
وفى مفاجأة جديدة كشف أحد الأشخاص عن تعامله السابق مع "أمير منير"، مستعرضا الواقعة قائلا " الشيخ أمير منير، له تاريخ طويل مع النصب. واحدة من عمليات النصب الكُبرى، اللي أنا كنت من الشهادين عليها، كانت في 2019 من خلال كورس اسمه «Teenagers Coaching For Parents» بمشاركة مع كريم إسماعيل.
وتابع ،" استثمر في ولادك" دي الجملة اللي افتتح بيها الإعلان عن الكورس؛ اللي هو عبارة عن بعض الدروس والقواعد للتعامل مع المراهقين. أمَّا بقى محتوى الإعلان فانقسم لقسمين، القسم الأول هو: التعريف بمحتوى الكورس، والقسم التاني: تكلفة الكورس. وقت ما شوفت النبذة التعريفية عن الكورس مكتوب فيها إن الكورس مبني على الـScience مش بس على الدين وحده، ساعتها عرفت إنه نصباية، لأن أصلًا علم التنمية البشرية علم زائف ولا يستند على أُسس علمية. أمَّا تكلفة الكورس فقد كانت 3000 جنيه مع خصم 500 جنيه لو حجزت بدري، والدفع عن طريق دليفري -آه والله- أو فودافون كاش، مئات الآلاف اشتركوا في الكورس ده، منهم والد صديق ليا.
وقال " لكنه بعد ما حجز وراح دفع الفلوس فودافون كاش، لم يرد عليه أحد عشان يديله ميعاد أخذ الكورس! فتخيل يا مؤمن كام ألف غيره انضحك عليه زيه! حكالي صديقي الحكاية، وأنا بقيت بضحك الحقيقة عشان يوم ما فكر ياخد كورس، رايح ياخده من واحد معروف إنه نصاب حتى بين أصدقائه!
وقال" لكن قبل ما أتكلم عن النصباية الجديدة، عايز أقولكم إن دي مش تاني ولا تالت نصباية في تاريخه، وإنما في عمليات نصب كتيرة حصلت من ساعة ما جمّع ملايين الفولورز، اللي نقلته من شخص عايش في فقر مدقع إلى مليونير!من فترة برضه كان عامل كورس -بس المرة دي من غير كريم إسماعيل، طمع بقى في الأرباح لوحده- اسمه «Ai&Machine Learning» للأطفال. وبدأ الإعلان قائلًا: أحسن طريقة نساعد بيها أولادنا إننا نجهزهم لتحديات المستقبل. طب يا ترى إزاي؟ بإنهم ياخدوا الكورس ده. وللأسف اللي مايعرفش، فالمجال ده أساسًا بيتطلب إن الإنسان يبقى دارس أقل حاجة كمبيوتر ساينس! حتى الأساسيات «الـBasics» بتاعته، المهندسين وخريجي الكليات اللي ليها علاقة بالمجال ده، بيعانوا سنين في تعلمها وهضمها واستيعابها.. ما بالك بالأطفال!
واستطرد،" النهاردة عامل إعلان لأبلكيشن -تقريبًا لقى إن الكورسات دي عمليات نصب مابقتش تجيب همها- اسمه «عمره البدل» وهو عبارة عن تطبيق بتدفع فيه 4000 جنيه عشان واحد في مكة يعمل عمره بدالك لو أنت مكسل أو يعملها لحد من قرايبك مريض أو متوفي، كل اللي عليك هو إنك هتدفع الـ4000 جنيه وتقول اسم الشخص، بس كدا!نصباية جديدة يضيف بيها كام مليون جداد لرصيده -اللي يُقدّر بالملايين. وإن شاء الله تكون النصباية الجاية: لو عايز تدخل الجنة، سهلة.. ادفع خمسين ألف وسيب الباقي علينا".
هتعمل عمرة بـ4000 جنيه.. مواطن يحذر من حيلة جديدة للنصب على المصريين
وحذر مواطن من حيلة جديدة للنصب على المصريين ، من خلال ادعاء شخص قدرته على القيام للغير بالعمرة بمقابل مادى يصل لـ 4000 جنيه.
وقال صاحب منشور التحذير ،"نداء لمشيخة الأزهر .. في واحد نصاب اسمه الشيخ "أ.م" زي ما هو ظاهر عندكم، بيعمل إعلان لانك ممكنتعمل عمرة ل والدك/والدتك او اي شخص تحب انك تعمل له عمرة عن طريق application بتبعت فيه اسم الشخص اللي عاوز تعمل له عمرة(سواء كان متوفي او عايش) و بتدفع في ال application مبلغ 4000 جنية و بمجرد ما تحول المبلغ في واحد واقف على باب الكعبةجاهز انه ياخد الاوردر كدا زي ال delivery بتاع application اللي اسمه TALABAT - طلبات - الواد ياخد الاوردر يقوم فاتح لكWeb cam - مانتا شاحن له ب 4000 جنية بقى - و يقوم يطوف يعمل مناسك العمرة و انت متابعه live عشان تطمن ان قلبه نابضبالإيمان تجاه ابوك المتوفي و ان مشاعره تجاه ابوك المتوفي تمام و كدا ".
وتابع ،"ياريت يا جماعة تقبضوا على الناس دي على وجه السرعة الشيخ أ.م دا بيحول أداء مناسك العمرة عشان تكون عاملة زي ما يكونالواحد بيطلب Big tasty من Talabat (دا بجد هو عامل promo code و قصص كدا زي ماكدونالدز بالظبط) الشيخ أ.م حاطت عروض و promo code لأول 500 طلب عمرة.
