رضوى الشربينى تعتذر لـ حسن شاكوش على الهواء
اعتذرت الإعلامية رضوى الشربينى لمطرب المهرجانات حسن شاكوش عن ما قالته عنه وقت أزمته مع طليقته ريم طارق التى قالت إنه تحدث عنها ورفض أن يعطيها حقوقها.
وقالت رضوى الشربينى فى برنامجها “ ريم طلعت وقالت إنه أداها حقوقها الشرعية وإنه راجل محترم.. فا أنا بقول لحسن شاكوش إحنا آسفين وأنا بعتذرلك “، مضيفه قائلة"حاولنا التواصل مع طليقة حسن شاكوش بس هى رفضت وقفلت السكة فى وش الإعداد .. وأنا بقول إن حسن شاكوش ليه حق الرد وريم ليها حق الرد".
وكانت ريم طارق قد وجهت رسالة إلى طليقها مؤدي المهرجانات حسن شاكوش بعد انتهاء الخلاف بينهما.
وعلقت ريم طارق على فيديو لشاكوش عبر حسابها على موقع التواصل الاجتماعي انستجرام، قائلة: "أنا كمان بتمنالك كل خير يا حسن وأكيد إحنا حبايب وعايزة أقول حاجة للمتابعين المشكلة بتاعتنا من الأول إن بلاش أي حد يدخل في مشاكلكم الشخصية حتي لو أقرب الناس ليكم، لأنهم من كتر حبهم ليكم ممكن المشكلة تزيد مش تتحل وده إللى حصل معانا أنا وحسن"
وتابعت ريم طارق: "يمكن لو كانت المشكلة بينا بس كانت اتحلت من بدري وأنا كمان بشكرك يا حسن وإنت وعدت ووفيت لله الأمر من قبل ومن بعد".
رد مؤدي المهرجانات حسن شاكوش على الفيديو الذي نشرته زوجته السابقة ريم طارق وأعلنت من خلاله انتهاء الخلافات بينهما وحصولها على كامل مستحقاتها الشرعية.
كتب حسن شاكوش على حسابه بموقع فيسبوك:"انا اولا بشكرك يا ريم علي كلمة الحق الي قولتيها في حقي دلوقتي وذكرتي انك مشوفتيش مني غير الخير. وقابل اعتذارك علي ماصدر منك وانا مكنش ليا اي رد فعل قدام الناس ومش من تربيتي اني اشهر بي بنات الناس حتي لو رد علي كلام يجرحني او اساءه ليا "
وتابع حسن شاكوش: "مع ان ده كان مأثر عليا نفسيا وعلي اهلي وكل الي حوليا وقابل اعتذارك. وعفا الله عما سلف والمسامح كريم واتمنالك كل خير في حياتك واشوفك دايما بخير"
