عايزها تدفع بالعافية.. فتاة تحذر من كافيه فى مرسى مطروح بعد تعدى أحد العاملين به على أهلها
استغاثت فتاة بعد تعرضها ووالدتها وشقيقتها للضرب من أحد العاملين بمقهى فى مرسى مطروح بعد قرارها بالذهاب لمكان آخر بدل الكافية الذى جلست عليه.
وقالت صاحبة الواقعة،" الولد الي في الصورة لابس اليونيفورم البيچ ده ضرب امي واختي في نص الشارع والرجالة فضلو واقفين والاستف كله ومحدش مسك الواد ضربه وقاله عيب ازاي تضرب بنت وست قد امك !!!الي حصل ان احنا قاعدنا شوفنا المنيو ومعجبناش المكان غيرنا رائينا قولنا نقعد علي البحر احسن فا الويتر جه ياخد حساب الازازة الي حطها ومفتحنهاش ماما قالتله هدفع حسابها مفيش مشكله زي ما مكتوب في المنيو 10 جنيه وطلعت عشرين جنيه مرديش طب خد العشرين جنيه برضو مش راضي واقف يعدنا ويقول احنا ٦ هياخد 60 جنيه عشان قاعدنا مكملناش خمس دقايق لما ماما مرضيتش وقالتله مش دافعه خالص وانت طريقتك وحشه واعلي ما في خيلك اركبه قالها فين الراجل الي معاكو ".
وتابعت " ستات من غير راجل يضربو عادي ما احنا بقينا في بلد مينفعش ستات تمشي من غير راجل يضربو ويتهانه طبعاًبعد كده راحت قالتله انا واقفه اهوه شوف عايز تعمل ايه وريهولي راح قال لي امي الست الكبيرة انتي عبيطه ولا ايه متخلينيش امد ايدي عليكي وقرب منها فا بتزقه راح خابطها في وشها بالازازة و عورها اختي جت تشتمه وتشده راح شدها من شعرها وقعها علي الارض وكمل ضرب لي في ماما ادم واسر اخواتي في خمسه ابتدائي قعدو يضربوه بس طبعا مقدروش عليه كلمنا صاحب الكافيه قال جاي ووقفنا ساعه ونص ومجاش فا انا حق امي واختي مجاش والولد ده هيمشي الستات عادي ولا يهمه ياريت محدش يقعد في المكان ده ولو ستات مسافره لوحدها متقعدش في المكان ده عشان صحاب المكان والمواظفين مش رجالة وبتمد ايديها علي الستات عادي وصاحب الكافيه مشغل معاه بلطجيه ومنزللكم صورة الولد عشان اي حد يشوفه ميشغلوش لانه مش راجل واي حد يشوفه في مرسي مطروح او غيرها يعرف بيمد ايه علي الستات".
