محمد سليمان: جوزت بنتى من غير مهر ولوعايزة تخلع الحجاب مش هقولها لأ
يتحدث الفنان محمد سليمان، عن كواليس زواج ابنته قائلا" معملناش قايمه ولا مهر والحاجات دي القايمة والمهر ملهمش اعتبارات خالص".
وأوضح سبب عدم مطالبه عريس ابنته بالمهر من خلال برنامج "فيس أوف" والذى تقدمه الإعلامية سارة نخلة على شاشة قناة هي قائلا" شوية الكراكيب دي هي اللي هتحميها هو دة اللي هيأمن مستقبلها، حصل أى حاجة والكابلز انفصلوا والبنت أخدت العفش بتاعها دة كله مش مهم الأهم اني اعرفها ازاى تبقي مستقلة ماديا واقتصاديا".
وأكد على رأيه فى عدم أهمية القايمه قائلا" علم البنت اللي اتعلمته دا اللي بيأمن مستقبلها أخلاقها ومفاهميها هي اللي بتأمن مستقبلها وطريقة تعاملها في الحياة دة المهم".
وكشف عن موقفه اذا قررت ابنته خلع الحجاب قائلا" طبعا مش هتدخل هي قبل ما تتحجب جت قالت ليا انا ومامتها على قرارها مامتها اتصدمت وانا قولت ليها فكري كويس مليون ألف مرة لأن خلع الحجاب دة شئ محبط".
برنامج "FACE OFF" تقدمه الإعلامية سارة نخلة على شاشة قناة "هي" يوميًا من السبت إلى الأثنين وتستضيف عددا من نجوم الفن وتناقش القضايا المطروحة يوميًا بين الجمهور.
