حسن شاكوش يكذب طليقته: واحدة عندها هوس الشهرة.. واستلمت منقولاتها بكل تراضى
رد مطرب المهرجانات حسن شاكوش على إدعاءات طليقته ريم طارق حول عدم استلامها مستحقاتها ومنقولاتها وأنه أجبرها على الاعتذار له، وأن ما حدث كان لعبة
وقال حسن شاكوش عبر حسابه الشخصى بفيس بوك،" مساء الخير على جمهورى العزيز، تم استلام منقولاتها الشخصية بكل تراضي واحترام، بدون أي شجارات وبحضور شهود، بدليل هذا البوست على صفحتها الشخصية، وتم التواصل مع الأب والأم بالاتفاق مع المتوسطين بيننا وتوصلوا معايا بحل يرضى الطرفين، وهي وافقت على الاعتذار، أنا لم أجبر أحد على فعل شيء".
وتابع: ملحوظة، بدليل آخر على إنها اخدت الشبكة، الخاتمين اللى في أديها كانوا في الشبكة، والموضوع خلص والقصه دلوقتى بقت قصة واحدة عندها هوس الشهرة واستغلال وسائل الصحافة والإعلام والترند بأسمي، يمكرون والله خير الماكرين".
وكانت ريم طارق طليقة حسن شاكوش، قد انهارت من البكاء على الهواء تأثرا بالأزمات بينها، قائلة: "عملت فيديو اتكلمت فيه عن حسن شاكوش حلو من ورا أهلي عشان الموضوع يخلص لكن مكنتش أعرف إن أهل الخير اللي تدخلوا بينا هيدوله الفيديو، مش من حقهم يعملوا كده".
وأضافت "طارق"، : "حسن شاكوش عاوز ايه من الحرب دي؟! هو مبسوط بنفوذه والسوشيال ميديا؟! مش بيفكر في ربنا وإن ده حق ولية؟!".
وتابعت طليقة حسن شاكوش: "أنا ولية وحقي كده كده جاي، شاكوش مستوعب كل ده؟! ليه يعيب فيّ؟! ايه السبب؟! مكنتش عاوز تتجوزني متتجوزنيش، دبر لي المكيدة من أول يوم زواج وكتب في القسيمة إني بكر رشيد عشان لما أتكلم يحبسني، انا عملت له ايه؟!".
