اليوم جنازة الفنان أشرف مصيلحى من مسجد المشير والعزاء الثلاثاء

قررت أسرة الفنان أشرف مصيلحى، تشييع جنازة الراحل، اليوم الإثنين عقب صلاة الظهر من مسجد المشير طنطاوى، كما يقام سرادق العزاء بنفس المسجد غدا الثلاثاء.

وتوفى  الفنان اشرف مصيلحي بعد صراع مع المرض، حيث كان يمكث في المستشفى .

وكانت المخرجة منال الصيفي، قد كشفت آخر تطورات الحالة الصحية لزوجها الفنان أشرف مصيلحي، موضحة أن حالته تدهورت مؤخرا حيث إنه مصاب بورم خبيث بالمخ، والتهاب، وذلك وفق تصريحات خاصة لمصر تايمز

وكانت المخرجة منال الصيفي، زوجة الفنان، قد قالت في تصريحات تلفزيونية، إن فريق طبي متخصص يرافق أشرف فى المنزل، مضيفة: “الورم المصاب به زوجى من أخطر أنواع السرطانات فى العالم مفيش غير إننا بنحافظ على حياته وربنا كبير قوى”.

وكانت زوجته منال الصيفي قد عبرت  عن امتنانها لأصدقائها وأصدقاء زوجها لوقوفهم بجانبهم في أزمة مرضه، موضحه أنهم مازالوا يعرضون عليهم المساعدة رغم عدم حاجتهم إليها، قائلة: 

وقالت" ألف حمد وشكر لله إن أشرف مصلحي ربنا محوجهوش لحد، النقابة بتدخل وبتساعد وبتقول ده حقه، والاس في الوسط بتاعنا كويسين جدًا، وأمير كرارة قالي ابعتيلي رسالة وانا مش هقول لحد، ومحمد هنيدي والله جابلي شوال فلوس، الحقيقة أنا ساعات بقعد أعيط، لأني مش مصدقة حب أصدقائه ليه… منة شلبي كلتني وهي بتصور في لبنان وبعتت دكاترة على البيت وكانت بتديني نصائح، أنا بشكرهم كلهم وحقيقي هما عزوة وسند، مفيش حد مبيتصلش يسأل عليه ويحب يساعد، الدنيا فيها ناس كتير كويسة…أول يوم أعلنت فيه إن أشرف عنده سرطان هو مكنش مستوعب حالجة خالص والدكتور قال إنه في دنيا تانية، وأشرف مكنش يعرف طبيعة الورم اللي عنده، حتى الكيماوي كان بياهده حبوب، وكنت بقوله إن ده دواء علشان الورم ميبقاش خبيث.