الفيلا بـ50 مليون جنيه والمياه بتقطع.. مواطن يحذر من التعامل مع شركة سوديك
حذر مواطن من شراء العقارات التابعة لشركة سوديك ، مستعرضا تجربته الشخصية بعد شراء فيلا بمبلغ ضخم ومواجهته لمشاكل .
وقال صاحب المشكلة ،" معقوله يا جماعه اشتري ڤيلا ب ٥٠ مليون جنيه من Sodic- Villette و مايبقاش عندنا مرافق!!.. المياه مقطوعه ب الايام داخل الكومباوند لدرجه ان مراتي كان عندها عزومه و مش عارفه تغسل الاطباق و الفوط لدرجه انها فكرت تغسلها في النافوره الخاصه بالكمبوند عشان ده كان مصدر المياه الوحيد بالكومباوند لمدة ايام".
وتابع صاحب المشكلة مع سوديك،" للاسف مش معني ان يبقي عندك المقدره انك تشتري ڤيلا في كمبوند بمبلغ اصبح مش كبير في ايامنا دي ان دا يضمنلك ابسط اولويات الحياه (المياه و الكهرباء) طالما وثقت في شركه زي سودك بتتلاعب ب اموال الناس و بتتنصل من مسؤوليتها و خصوصا بعد ما الشركة اتباعت في ظروف غامضة ل شركه يمتلكها مستثمر" اماراتي " للاسف بسبب انقطاع المياه بشكل متواصل الزرع عندنا كله مات والاند سكيب بيتدمر ده غير اننا عندنا مشكله رهيبه في الكهرباء بعيدا عن موضةع تخفيف الاحمال ، كل يوم و من قبل تخفيف الاحمال ب شهور بيتم قطع المياه و النور عننا مع العلم ان الكمبوند الي علي يمينا و شمالنا عندهم مياه ونور مع انهم اسعارهم ارخص مننا (يعني الڤلل مثلا ب اقل من 20 مليون) و مع ذلك عندهم مياه و كهرباء و مرارا وتكرارا تم التواصل مع مسؤولين كثيرون بالشركة وطبعا ميردش علينا و لا يجي لنا غير الاستاذ كريم المسؤول عن العلاقات العامه و خدمه العملاء و اخر مره بعتولنا واحده اسمها مرام تتكلم معانا و تقول لنا ارجوكم اعطوا الشركه فرصه انها تثبت انها بالفعل عايزه تحل و عايزه تريح الناس علي الرغم من اننا بقالنا 3 سنين بنديهم في فرص".
وقال"النادي لم يتم تسليمه حتي الان ووعدونا ان الكمبوند هيكون كله ڤلل و اشترينا و دفعنا المبالغ دي علي اساس ده وللاسف بنوا عماير ضخمه جدا شبه المساكن الشعبيه و الناس فيها بتسلم علينا من الشبابيك...نصيحه ، محدش يثق في سوديك sodic او يفكر انه يشتري اي حاجه من مشارعهم في الساحل الشمالي اوفي زايد او اكتوبر او التجمع - كذابين و حياتكم هتبقي ظلام و بدون مياه !! انصحونا نعمل ايه ؟! ارجوكم عايزين حلول نتصرف معاهم ازاي ؟؟".
