يتبنى فكر العنف ضد المرأة.. منى سيف تهاجم أحمد طنطاوى وتطالبه بالاعتذار

“الفكر تعبير عن الشخصية”، ومع إعلان أحمد طنطاوى ترشحه لانتخابات الرئاسة بدأت العديد من الأصوات وخاصة النسائية تذكر أفكار “أحمد طنطاوى” التى وإن دلت فهى تدل على إهداره لكرامة المرأة.

فالتصريح الشهير له وقت تواجده فى مجلس النواب عام 2016 برفضه قانون تجريم ختان الإناث واعتبار “الختان” أمر عادى وتشبيهه بإنه مثل قطع اللوز جعل النساء يرفضون أفكاره ويطالبونه بالاعتذار.

حتو وصل الأمر أن هناك عدد من النساء من المعارضة النسائية أنفسهم يرفضون أفكاره الغريبة والتى تدعو للعنف ضد المرأة فمنهم على سبيل المثال منى سيف التى طالبته صراحة باعتذار وقالت"أنا باقدر أحمد طنطاوي جدا من وقت ماكنت باشوفه قاعد قدام معهد أمناء طرة وزمايله في تحالف الأمل بينظر حبسهم جوة..وكل محاولة جادة منه في السنوات اللي فاتت لممارسة عمل سياسي نزيه في وسط الثقب الأسود اللي بالعنا ..وعشان بأقدره عندي غضب كبير جدا من موقفه المعلن السابق من جريمة ختان البنات، وغضب أكبر من الاصرار على تبطيط اللي شايفين ده موقف قاسم مش هين". 

وتابعت" دي مش تفاصيل هامشية دي قضايا عنف بغطاء مجتمعي، ومسألة حياة وموت وبالتالي مافيش مساحة للمياعة فيها احنا نستحق اعتذار واضح منه مش كلام تخفيف، ولا كلام من نوعية انا ما ختنتش بناتي اعتذار حقيقي واضح بدون مواربة، فيه اعتراف انه برر عن جهل جريمة وسفه من أثارها الجسدية والنفسية، وانه قصر في تثقيف نفسه وقتها وبذل مجهود يقرا العلم والعالم المتقدم بيقول ايه في الموضوع ..ووعد بأنه خاصة في الحاجات اللي تخص الصحة الجسدية للمرأة والمتعارضة مع التوجه المحافظ اللي هو جاي منه ومرتاح معاه وسائد في مصر، هيذاكر ويرجع للعلم قبل ما يتبنى اي رأي تاني عمياني".