تامر حسني ينصح الشباب: اللي ملوش مثل أعلى يشتريله مثل أعلى
وجه الفنان تامر حسني نصيحة لجمهوره من خلال منشور له على مواقع التواصل الاجتماعي قال فيه أنه يدرك القوة الكبيرة التي يستمدها الشخص من وجود أشخاص يعتبرهم قدوة.
وقال تامر حسني عن مقولة "اللي مالوش كبير يشتريله كبير" وقال "مقولة جميلة بس أنا من خلال رحلتي وقد ايه في قوة جبارة الإنسان بيستمدها من اللي بيحبهم بكل جوارحه وطبعا كلامي عن النجاح العملي في العمل اللي تحبه".
وتابع تامر حسني:"حبيت اقول المقولة بطريقة تانية وهي "اللي ملوش مثل أعلى يشتريله مثل أعلى" والله لما بتحب حد ناجح وتتأثر برحلته أو طريقته ونجاحه فعلا بتقدر تبقى زيه وممكن احسن كمان، ممكن طبعا تنجح من غير ما يكون عندك مثل أعلى بس تركيزك بيبقى اقوى بكتير مع مثال قدامك حي بيخليك تشوف رحلته قدامك زي دليل ينورك على خطوات أنت متعرفش نتايجها بس بتعرفها من خلاله بتشوف تفكيره في التطوير وتفكيره ازاي يتخطى الأزمات وتفكيره في المواكبه لكل مرحلة في حياته، ازاي كسر سقف نجاحه علشان أنت كمان تعمل زيه"
اردف: "اللي ملوش مثل على يشتريله مثل على" يعني يدور ويركز مع حد يحبه ويتعلم منه وعلى فكرة مش شرط في مجاله ممكن تحب حد في مجال تاني وتحاول تطبق مرحلة في مجالك دة كان كلام من واقع تجربتي ورأي الشخصي"
