بتتعالج نفسيا.. أبرز تصريحات غادة عبد الرازق مع منى الشاذلي

دخلت الفنانة غادة عبد الرازق، في حالة البكاء، فور دخولها ستوديو برنامج معكم منى الشاذلي، وذلك بعد تحية الجمهور لها، نتيجة تأثرها الشديد بتحيتهم، وقالت غادة عبد الرازق، عن سبب بكائها، قائلة:" لما بحس أن الناس بتحبني أوي ده بيأثر فيا".

وتحدثت خلال اللقاء عن تفاصيل مشوارها الفني وحياتها الشخصية، وأسرار عديدة لأول مرة تكشف عنها وتفتح قلبها لجمهورها، ونبرز تلك التصريحات خلال السطور المقبلة.

قالت غادة عبد الرازق، خلال لقاء لها ببرنامج "معكم" منى الشاذلي المذاع عبر شاشة تلفزيون قناة أون:" هما مكانوش تلاتة، هما كانوا اتنين، وبعدين قعدت مع المؤلف لقيته بيفتح في حاجات كتير لأن في حاجات كانت لازم تبان، زي خلفية عليا وجوزها راح فين وابنها ايه، وقولتلهم يا جماعة هعملهم 3 حلقات مع أني كنت اتفقت خلاص".

وتابعت:" اللي حببني في الموضوع دا أن علياء هي دكتورة نفسية، والمفروض تعالج الناس، بس محدش تخيل أنها ممكن تكون هي شخصيا مريضة".

أضافت:" أنا مريت بالتجربة دي مرتين، روحت لاتنين دكاترة أول ما دخلت عليهم وأنا خارجة قولت للدكتور أنا عايزة أقولك قبل ما أخرج أن أنت محتاج حد يعالجك".

ردت الفنانة غادة عبد الرازق، على سؤال لماذا قررت دخول مجال التمثيل، قائله: "أنا كانت موهبتي الوحيدة إني أرقص قدام المراية وأسرق باروكات أمي وأقلام الروج، لكن كنت بتفرج على التليفزيون ونفسي أبقى مشهورة، وأمشي في الشارع الناس تعرفني".

وأضافت الفنانة غادة عبد الرازق،: "في الأول قلت لماما عايزة أغني، فسألتني هتغني في كباريهات؟ وبدأت أخرج وكان لينا أصحاب فنانين".

وتتحدث  الفنانة غادة عبد الرازق، خلال اللقاء عن تجربتها الدرامية الأخيرة، ودورها المركب كطبيبة نفسية تعاني من حُب الامتلاك.

وأشارت أنها حاولت تغيير الطبيب المعالج لها من باب الفضول، لكن اصطدمت بتجارب صعبة، بعضهم كان يحتاج للعلاج، فعادت لطبيبها ولم تغيره منذ ذلك الحين.

وأوضحت أنها توجهت لأحد المعالجين النفسيين ذات مرة، ومنذ أن دخلت وجدته يلف بالكرسي باستمرار، وكثير الحركة وغير منتبه إليها، وفي النهاية اكتفى بكتابة بعض الأدوية فقط، دون أن يناقشها في أي شيء.

وأضافت: "قبل ما أخرج من عند الدكتور قلت له أنا بس عاوزة أقولك إن حضرتك محتاج حد يعالجك، وقلت للسكرتيرة الدكتور ده بلغي عنه لوجه الله ده محتاج يتعالج".

وتابعت: "والأدوية اللي كتبهالي لما أخدتها يومها جيت على الساعة 2 بالليل كنت هعمل جريمة قتل في نفسي، وجابوا لي دكتوري اللي معايا من زمان، وقالهم الأدوية دي خطيرة وبتأثر على المخ".