تعبنا من قلة النظافة.. مواطن يوثق تجربة سكنه فى "ماونتن فيو"
استغاث أحد سكان "ماونتن فيو" من طريقة تعامل الشركة مع الملاك وإجبارهم على التعاقد مع شركة كهرباء بعينها.
وقال صاحب المشكلة ،" أنا النهاردة بعد ما استنفذت كامل طاقتي مع المكان اللي انا ساكنة فيه ومفيش أي خطوات جديه لحل مشاكلنا كسكان كلامي عن مشروعات ماونتن فيو اللي ابهرتني عشان اشتري في مشروع من مشروعاتهم الصورة الجذابه و المباني الرائعة التصميم و لما قالوا ان سر السعاده عندهم وهاعرض عليكم بعض المشاكل وليست الكل علشان بجد تعبنا، ولا نريد ان نقع تحت رحمة شركات تحتكر الكهرباء والمياه وهو حق دستوري مكفول للجميع".
وتابع،" الشركة بتجبرنا على التعاقد في الكهرباء مع شركة خاصة باسعار مبالغ فيها تصل الي 30 الف جنيه واكثر للعداد بأقل سعة امبير واذا تم طلب زيادة قدرة العداد تحت اي ظرف يتم احتساب مبلغ اضافي وهناك عدم استجابة من الشركة لمطالب السكان جميعا بالرغم اننا استنفذنا كافة الطرق السلمية بالرغم ان عقودنا بتنص على التعاقد مباشرة مع شركة الكهرباء الحكومية وتم عمل شكاوي في جهاز تنظبم مرفق الكهرباء وحماية المستهلك ومحاضر بقسم شرطة التجمع الخامس
وقال"ده بالاضافه للنادي الاجتماعي والمبنى الخدمي الوحيد اللي في الكومباوند اللي بيماطلوا في بناءه من 2018 لحد وقتنا هذا و حاطين مكانه كام كرسي و ترابيزه و عاملين فرشه ولا قهوة المعاشات واحنا دافعين تمنه اثناء شراء الوحدات ومثبت لدينا بالاميلات المرواغة في المواعيد هفرجكم وضع كومباوند الناس سكانه فيه من 2018 كومباوند لسه مراحله الاخيره لم تكتمل لسه بيبيعوا فيه وحدات بتصل لفوق ال 10 مليون جنيه كومباوند لشركة لسه في عزها ولسه بتعمل مشاريع كبرى وشكل العمارات مزري للغاية بالرغم اننا دافعين فلوس صيانة بمبالغ كبيرة انا لن اشهر بالشركة ولا هقول كلمه غلط فيها ولدينا بالاميلات والعقود مايثبت صحة كلامي احنا تعبنا وعايزين حقنا في الي بيحصل معانا بعد ما غلبنا في المطالبة بتنظيف المباني..اللي مش محتاجة ميزانيه هوريكم فيديو لسكان بينظفوا المباني بمناديل ورقية وبينظف عادي بس الشركة مش عاوزة تتعاون معانا".
