الشوربة فيها "حشرات".. سيدة تحذر من مطعم بلبع بالإسكندرية
حذرت سيدة من مطعم بلبع فى الإسكندرية بعد عثورها على خشرات داخل الشوربة، وقالت السيدة “المفروض اني رايحه مطعم من انضف واغلي مطاعم اسكندريه عشان اضمن جوده ونضافه الاكل طلبت لبنتي شوربه خضار عشان المفروض دي انضف حاجه الاقي فيها صرصار بلمنظر دا !!!!! ”.
وتابعت خلال عرض مشكلتها على السوشيال ميديا ،" مطعم بلبع ايه ال مفروض اعمله عشان متضايقه اووووووي بجد محدش ياكل بره مفيش اي اكل نضيف بره حسبي الله ونعم الوكيل ف قله الضمير والنضافه ايه الاجراء ال ممكن اخده عشان انا مش هسكت بجد".
وتفاعل مواطن قائلا،" عايز اقولك والله من 3 ايام اكلت منه و بعد الاكل لقيت 3 صراصير و قولتلهم بس بعد ما كنت اكلت خلاص.. و قسما بالله من يومها اسهال وبطنى منفوخه لحد انهارده".
وكان مواطن قد وثق من قبل تجربته مع مطعم بلبع بسيدى جابر بالإسكندرية ، قائلا" من أسوأ أكلات السمك اللي أكلتها في حياتي إن لم تكن الأسوأ كانت في بلبع سيدي جابر..طلبنا الأوردر زي ما في الصورة ..السبيط الفاهيتا كان فيه شعر و بقايا سلك تنظيف أطباق!!! و الكابتن قالنا طب عايزين ايه و اعمله مارضناش نعمل مشكلة عشان كنا اكتشفنا بعد ما بدأنا اكل فيه و المقلي كان حادق جدًا..السمك البوري كان فيها سمكة سنجاري محروقة و الويتر شافها".
وتابع المواطن مستعرضا مشكلته على السوشيال ميديا،" وقال بلغت الكابتن و هشيلها من الأوردر وقت الحساب..واحنا بندفع رفض يشيلها و قال انتم اكلتوا منها و كان اللي اتاكل منها بسيط جدا يكاد يكون ولا حاجة..بجد تجربة زي الزفت في أماكن كتير مش بنفس الإسم في اسكندرية بس quality أحسن بكتير تكاد لا تقارن..و للأمانة الجمبري الباترفلاي الوحيد اللي كان كويس".
