حورية فرغلي لـ طليقة حسن شاكوش: أنا ممكن أرفع عليكى قضية تشهير

ردت الفنانة حورية فرغلي على طليقة حسن شاكوش بعد اتهامها بأنها على علاقة به.

ونشرت حورية فرغلي مقطع فيديو عبر حسابها الرسمي بموقع "إنستجرام" لترد على طليقة حسن شاكوش.

قائلة: “الحقيقة أنا طالعة أكلمكم في موضوع وهو بقاله فترة مضايقني وساكتة بس أنا قررت أما يحصلي حاجة زي كدا أشاركم وأشهدكم عشان لو أنا غلطانة إنتم ممكن تقولولي”.

وتابعت حورية فرغلي:" أنا كنت ساكتة فترة طويلة جدا ومبرودش علشان أنا أكبر بكتير من كده بس الموضوع زاد عن حده بطريقة لدرجة إن أنا مش من طبيعتي أن أطلع وأتكلم أو أرد بس من كتر ما الموضوع بقى اوفر مش قادرة، عايزة أشهدكم معايا".

وتابعت حورية فرغلة “ أنا ماعرفش طليقة حسن شاكوش بس هى طلعت وقالت إنى عارفة مين البنت اللى كانت مع حسن وأنا بقولها أنا ممكن أرفع عليكى قضية تشهير.. انتى عايزة إيه بالظبط أنا ممكن أرفع عليكى قضية تشهير.. أنتى عاملة فيلم هندى وأنا أكبر من كده بكتير وعمرى ما شوفتك ولا أعرفك”