مؤسس "أمهات مصر" تتابع طلاب المرحلة الإبتدائية.. وأولياء أمورهم يعلقون

واصلت عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، متابعة طلاب المرحلة التعليمية المختلفة، حيث رصدت وتابعت طلاب المرحلة الإبتدائية خاصة فيما يتعلق بالمناهج والمذاكرة.

وتلقت عبير عشرات التعليقات من جانب أولياء أمور طلاب المرحلة الإبتدائية علي صفحة الاتحاد والائتلاف، في الفيسبوك، حيث قالت ولي أمر:" العلوم..  سنه سادسة صعب جدا، ومنهج شهر أكتوبر الكم كبير اوي اوي وعلي الوقت  ملاحقناش ابدا ناخد الكم دا ومش عارفين هندخل ازاي نمتحن واحنا اصلا لسه مستلمناش الكتب المدرسية".

وأضافت ولي أمر أخري: "المناهج صعبه وتقيله علي الإستيعاب خاصة الانجلش،
وكتاب العربي رابعه ابتدائي لسه مأخدهوش"، وتابعت أخري: "منهج رابعة طويل جدا وضغط كبير على الولاد ولحد دلوقتى مفيش كتب وزارة والمفروض فى امتحان كمان أسبوع".

وذكرت ولي أمر: "مواضيع القراءة فى العربى كتير جدا ومطلوب من الأولاد حفظ كمية المعانى والمضاد ومحدش بيقولى فهم مفيش طالب لحد سنة خمسة يقدر يجيب المعنى والمضاد من خلال الفهم".

واستكملت ولي أمر: "بنتي سنه رابعه تجريبي، المواد كتيره قوي مافيش اي لازمه لماده المهارات والict مجرد ضغط علي الطالب وخصوصا إن الوزارة مطبعتش كتب ليهم، فطبعا احنا تحت رحمه المدرسين وليه هما في المجموع ايه فايدتهم، والمناهج كتير وكلمات فعلا صعبه في الساينس وكونيكت بلس 
ده غير آن منهج أكتوبر كتير بزياده بجد
بنتي مضغوطه مذاكره ودروس ولا كأنها في ثانويه عامه وهي لسه صغيره قوي علي كده"