بعد تكذيبها بشأن العرض الإسرائيلي.. بدرية طلبة: اللي بيشكك في كلامي واطي

علقت الفنانة بدرية طلبة على تكذيبها من قبل البعض، بشأن تلقيها عرضا للسفر إلى تل أبيب، وحضور حفل فني مقابل نحو مليون جنيه.

وظهرت بدرية طلبة في بث مباشر على حسابها الرسمي على موقع تبادل الصور والفيديوهات "انستجرام"، قائلة: "مش هطلع في مداخلة مع حد ولا هرد على حد، وبالنسبة للمشككين هوضح الموضوع يمكن الشات مش مبين حاجة.. لقيت رقم بيكلمني معرفتش الرقم ده منين لقيت واحدة بتقولي عايزيني في حفلة، ورديت باللي يرضي ضميري مش محتاجة إني أطبل دي بلدي".

وتابعت: "غلط إني أنزل شات، لأني بسافر دول وممكن يكون جنبي واحد إسرائيلي، وبتطاولوا على أنغام وبتهاجموا أنغام على إيه.. إنتوا عار عليكم تكلموا فنانة مصرية والفنانة تديكم فوق دماغكم".

بدرية طلبة تهاجم منتقديها 

وأضافت بدرية طلبة:" اللي بيشكك في كلامي ده واطي.. أنا لا محمد صلاح ولا محمد رمضان اللي بقوا عالميين.. وأنغام أستاذة حتى لو أصغر مني سنًا اللي دخلوا استخفوا عملتلهم بلوك.. ولما باسم يوسف طلع ظبطهم كنا فرحانين ومبسوطين، واللي يقدر على حاجة يعملها.. أنا عرضت نفسي للخطر".

وكانت نشرت بدرية طلبة عبر حسابها الرسمي، رسائل قالت إنها لمحادثة جرت بينها وبين إعلامية إسرائيلية طلبت منها السفر إلى تل أبيب وحضور حفل.

وجاءت الرسالة كالآتي:"مع حضرتك سارا يعقوب من قناة تل أبيب.. يشرفنا حضورك يوم الثلاثاء 25 أبريل 2023.. ضيفة شرف بمناسبة اليوم الوطني الإسرائيلي".

وسألتها بدرية طلبة عن مكان الحفل فردت الإعلامية: "تل أبيب.. الحفل سيكون في المسجد الأقصى".

وجاء رد بدرية طلبة: "لا العنوان غلط أنا مش بروح حفلات"، وهنا ردت الإعلامية: "لا أتحدث مع مصريين ليس لهم تاريخ وسرقوا تاريخ غيرهم ونسبوه ليهم".

لترد بدرية طلبة بلفظ خارج: "أومال بتكلمينا ليه يا زبالة.. مصر دي اللي علمت عليكوا يا بت".